ەرلان قارين: «ماڭعىستاۋ وبلىسىندا ۇقشۇ ەسكەرٸ ورنالاسقان دەگەن اقپارات جالعان»
– بيىلعى 4-8 قاڭتار ارالىعىندا ماڭعىستاۋ وبلىسىندا بولدىم. وندا احۋالدى تۇراقتاندىرۋ جٶنٸندەگٸ ٶڭٸرلٸك شتابتىڭ جۇمىسىن ٷيلەستٸرۋگە اتسالىستىم. ايماقتاعى احۋال قازٸر تۇراقتى. مەملەكەتتٸك مەكەمەلەر مەن كوممۋنالدىق قىزمەتتەردٸڭ بارلىعى قالىپتى رەجٸمدە جۇمىس ٸستەپ جاتىر. قۇقىق قورعاۋ ورگاندارى جاعدايدى تولىق باقىلاۋدا ۇستاپ تۇر, – دەدٸ مەملەكەتتٸك حاتشى فەيسبۋكتەگٸ پاراقشاسىندا.
ودان بٶلەك ەرلان قارين ماڭعىستاۋ وبلىسىندا تەرتٸپتٸ تەك ۇلتتىق ۇلاننىڭ ساربازدارى قاداعالاپ تۇرعانىن ايتتى.
– قوعام بەلسەندٸلەرٸنٸڭ ارقاسىندا بيلٸك پەن نارازىلىق بٸلدٸرگەن ازاماتتاردىڭ اراسىندا كونسترۋكتيۆتٸ ديالوگ ورنىقتى. وسى ٶڭٸردە ۇجىمدىق قاۋٸپسٸزدٸك تۋرالى شارت ۇيىمىنىڭ (ودكب) ەسكەرٸ ورنالاسقان دەگەن قاۋەسەت شىندىققا جاناسپايدى. وبلىستاعى تٶتەنشە جاعداي رەجٸمٸن قامتاماسىز ەتۋگە ٶز ەلٸمٸزدٸڭ قارۋلى كٷشتەرٸنٸڭ جەنە ۇلتتىق ۇلاننىڭ بٶلٸمشەلەرٸ عانا جۇمىلدىرىلعان, – دەدٸ ول.
