ەركەبۇلان سالامات ۇلى 20 جىلدام استام ۋاقىت بويى قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىن باسقارعان. وركەسترمەن الەمدىك تۋرنە جاساعان ەركەبۇلان سالامات ۇلى احمەت جۇبانوۆ قۇرعان وركەستردىڭ بۇرىنعى اتاق-داڭقىن قالپىنا كەلتىردى. ول قۇرمانعازى وركەسترى تۋرالى كىتاپتاردىڭ اۆتورى.
الماتىداعى پ.ي چايكوۆسكيي اتىنداعى مۋزىكالىق ۋچيليششەنىڭ بايان جانە وركەستر ديريجەرى ماماندىعى بويىنشا تۇلەگى. لەنينگراد جوعارى مادەنيەت مەكتەبىن جانە ماسكەۋ مادەنيەت ينستيتۋتىن بىتىرگەن. كسرو-داعى ەڭ ۇزدىك بەس بايانشىنىڭ ءبىرى.
ول «گۇلدەر» رەسپۋبليكالىق ءانسامبلىنىڭ ديرەكتورى بولعان جانە «قازاقكونسەرت» ديرەكتورىنىڭ ورىنباسارى بولعان. ەركەبۇلان مۇسىرەپ ەلىمىزدىڭ مادەنيەت مۇراسىنا جانە دامۋىنا ەلەۋلى ۇلەس قوستى.
