اۋەجايىندىڭ اشىلۋىندا ءسوز سويلەگەن تۇركيا پرەزيدەنتى ەردوعان قارا تەڭىز جاعلاۋىنا سالىنعان نىسان تۇركيا مەن قارا تەڭىز جاعالۋى ەلدەرى ءۇشىن ماڭىزدى وقيعا ەكەنىن اتاپ ءوتتى.
5 جىل بويى سالىنعان اۋەجاي تۇركيانىڭ سولتۇستىك-شىعىسى مەن كورشىلەس گرۋزيانىڭ دا ترانسپورتتىق مۇمكىندىگىن كەڭەيتە تۇسەتىنى انىق.
ءوز كەزەگىندە ەردوعان ءوزىن قولدايتىن ادىلەت جانە دامۋ پارتياسى بيلىككە كەلگەن كۇننەن باستاپ تۇركيادا اۋەجايلاردىڭ سانى 26-دان 58-گە ۇلعايعانىن تىلگە تيەك ەتتى.
ريزە قالاسىنداعى اۋەجايدى سالۋ ءۇشىن مەملەكەت 4،4 ملرد ليرا جۇمساعان. پازار اۋدانىندا ورنالاسقان اۋەجايدىڭ جالپى اۋماعى 3 ملن شارشى مەتردى قۇرايدى. نىسان ريزە قالاسىنان 34 شاقىرىم، حوپ قالاسىنان 54 شاقىرىم، ارتۆين قالاسىنان 125 شاقىرىم قاشىقتىقتا ورنالاسقان.
قارا تەڭىز ۇستىنە سالىنعان اۋەجايدى ۇزىندىعى 45 شاقىرىم، ەنى 3 شاقىرىمدى قۇرايدى. بۇگىندە الەمدە تەڭىز ۇستىنە سالىنعان 5 اۋەجاي بار. ونىڭ ەكەۋى تۇركيادا ورنالاسقان. اۋەجاي جىلىنا 3 ميلليون جولاۋشىعا قىزمەت كورسەتەتىن مۇمكىندىككە يە.
