ەربولات دوسايەۆ "سامۇرىق-قازىنا" اق ديرەكتورلار كەڭەسىنىڭ قۇرامىنان شىعارىلدى. بۇل تۋرالى قوردىڭ باسپا ءسوز قىزمەتى مالىمدەدى، دەپ حابارلايدى Dalanews.kz.
قور وكىلدەرىنىڭ تۇسىندىرۋىنشە، بۇل وزگەرىس ونىڭ قىزمەتتىك لاۋازىمىنىڭ اۋىسۋىنا بايلانىستى بولعان. قولدانىستاعى ەرەجەگە سايكەس، ديرەكتورلار كەڭەسىنىڭ قۇرامىنا پرەزيدەنت اكىمشىلىگى باسشىسىنىڭ ورىنباسارى كىرەدى. الايدا 25 ناۋرىزدا مەملەكەت باسشىسىنىڭ جارلىعىمەن ەربولات دوسايەۆ اتالعان قىزمەتتەن بوساتىلعان.
وسىعان بايلانىستى ونىڭ "سامۇرىق-قازىناداعى" وكىلەتتىگى دە اۆتوماتتى تۇردە توقتاتىلدى.
ەسكە سالايىق، ەربولات دوسايەۆ پرەزيدەنت اكىمشىلىگى باسشىسىنىڭ ورىنباسارى قىزمەتىن شامامەن التى اي اتقارعان ەدى.
