جەنەۆادا ۆاشينگتون مەن كيەۆ اراسىنداعى بەيبٸت كەلٸسٸمدٸ دايارلاۋعا باعىتتالعان كەلٸسسٶزدەر اياقتالدى, دەپ حابارلايدى Dalanews.kz.
وسى ۋاقىتتا The Telegraph گازەتٸ اقش پرەزيدەنتٸ دونالد ترامپتىڭ باستاماسىنا جاۋاپ رەتٸندە ەزٸرلەنگەن ەۋروپالىق وداقتىڭ ۋكرايناداعى سوعىستى توقتاتۋ جوسپارىنىڭ تولىق مەتٸنٸن جارييالادى. قۇجات 24 تارماقتان تۇرادى.
"اقىلتاي news" مەلٸمەتٸنشە, ەو رەسەي مەن ۋكراينانى قۇرلىقتا, ەۋەدە جەنە تەڭٸزدە اتىستى تولىق توقتاتۋعا شاقىرادى. سونداي-اق اتىستى توقتاتۋ رەجيمٸن باقىلاۋعا ٷشٸنشٸ ەلدەردٸ تارتۋ ٷشٸن كەلٸسسٶزدەر جٷرگٸزۋدٸ ۇسىنادى. مونيتورينگتٸ اقش جەتەكشٸلٸگٸندەگٸ ۋكراينا وداقتاستارى سپۋتنيكتەر مەن دروندار ارقىلى قاشىقتان جٷزەگە اسىرۋى قاراستىرىلعان.
جوسپاردا مەسكەۋ مەن كيەۆ تۇتقىنداردى «بەرٸن بەرٸنە» قاعيداسى بويىنشا تولىق الماستىرۋى تيٸس ەكەنٸ كٶرسەتٸلگەن. بۇدان بٶلەك, رەسەي قاماۋدا ۇستاپ وتىرعان بارلىق بەيبٸت ازاماتتاردى بوساتۋى قاجەت. تەرريتورييالىق مەسەلەلەر بويىنشا كەز كەلگەن كەلٸسسٶز اتىستى تولىق توقتاتقاننان كەيٸن جەنە قازٸرگٸ سوعىس شەبٸ بويىمەن جٷرگٸزٸلەدٸ.
جوسپارعا سەيكەس, ۋكرايناعا اقش پەن بٸرنەشە ەۋروپالىق ەلدەردٸ قامتيتىن توپ ارقىلى قۇقىقتىق تۇرعىدا بەكٸتٸلگەن قاۋٸپسٸزدٸك كەپٸلدٸكتەرٸ بەرٸلەدٸ. بۇل كەپٸلدٸكتەر ناتو جارعىسىنىڭ 5-بابىنا ۇقساس سيپاتقا يە بولماق. ۋكراينا قارۋلى كٷشتەرٸ مەن قورعانىس ٶنەركەسٸبٸنە ەشقانداي شەكتەۋ قويىلمايدى, ال ەل ٶز اۋماعىندا وداقتاس كٷشتەردٸ ورنالاستىرۋ قۇقىعىن الادى.
قۇجات ۋكراينا ەو-عا مٷشە بولاتىنىن, ال ناتو-عا كٸرۋٸ اليانسقا مٷشە بارلىق مەملەكەتتەردٸڭ كەلٸسٸمٸ بولعان جاعدايدا مٷمكٸن ەكەنٸن اتاپ ٶتەدٸ. سونداي-اق ۋكراينا اقش-تىڭ قاتىسۋىمەن زاپوروجە اەس-ٸ مەن كاحوۆكا سۋ ەلەكتر ستانتسيياسىن باقىلاۋدى قايتا الادى — بۇل ٷشٸن ارنايى حالىقارالىق باقىلاۋ مەحانيزمٸ جاسالادى.
جوسپاردا ۋكراينا تولىق قالپىنا كەلتٸرٸلەدٸ جەنە سوعىس سالدارىنان كەلگەن شىعىن ٶتەلەدٸ. بۇل ٶتەماقى رەسەي اكتيۆتەرٸ ەسەبٸنەن دە جٷزەگە اسۋى مٷمكٸن. رەسەيدٸڭ اكتيۆتەرٸ ۋكرايناعا كەلتٸرٸلگەن زييان تولىق ٶتەلمەيٸنشە بۇعاتتاۋلى كٷيٸندە قالادى. سانكتسييالار تۇراقتى بەيبٸت كەلٸسٸم ورناعان جاعدايدا كەزەڭ-كەزەڭٸمەن جەڭٸلدەتٸلەدٸ, ال كەلٸسٸم بۇزىلعان جاعدايدا قايتا ەنگٸزٸلەدٸ.
