ەۋروپالىق وداق رەسەيگە قارسى سانكتسييالىق قىسىمدى كٷزدە ايتارلىقتاي كٷشەيتۋدٸ جوسپارلاپ وتىر, دەپ حابارلايدى dalanews.kz.
بۇل تۋرالى ەو-نىڭ سىرتقى ساياسات جەنە قاۋٸپسٸزدٸك جٶنٸندەگٸ جوعارى ٶكٸلٸ كايا كاللاس گەرمانييانىڭ Die Welt گازەتٸنە بەرگەن سۇحباتىندا مەلٸمدەدٸ.
كاللاس جاڭا شەكتەۋلەر پاكەتٸ ۋكرايناداعى سوعىس باستالعاننان بەرٸ ەنگٸزٸلگەن سانكتسييالاردىڭ ٸشٸندەگٸ ەڭ اۋقىمدىسى بولاتىنىن ايتتى. ونىڭ سٶزٸنشە, جاڭا شارالار قابىلدانعان جاعدايدا سانكتسيياعا ٸلٸككەن رەسەيلٸك جەكە تۇلعالار, كومپانييالار مەن ۇيىمداردىڭ جالپى سانى شامامەن ٷشتەن بٸرگە ارتادى.
ەو-نىڭ جوعارى ٶكٸلٸ سانكتسييالار رەسەيگە ايتارلىقتاي ەكونوميكالىق شىعىن كەلتٸرگەنٸن اتاپ ٶتتٸ. ونىڭ باعالاۋىنشا, قولدانىستاعى شەكتەۋلەر رەسەيدٸڭ سوعىس قيمىلدارىن قارجىلاندىرۋ مٷمكٸندٸگٸنە 1 ترلن ەۋرودان استام كٶلەمدە ەسەر ەتكەن.
كاللاس جاڭا پاكەت رەسەي ۋكرايناداعى سوعىستى توقتاتقانعا دەيٸن مەسكەۋگە قىسىمدى كٷشەيتۋ قاجەتتٸگٸمەن بايلانىستى ەكەنٸن ايتتى. الايدا ول جاڭا سانكتسييالاردىڭ ناقتى تٸزٸمٸ مەن ەنگٸزٸلۋ مەرزٸمٸن ەگجەي-تەگجەيلٸ جارييالاعان جوق.
ەۋروپالىق وداق شٸلدەدە رەسەيگە قارسى سانكتسييالاردىڭ 21-پاكەتٸن قابىلداعان. ونىڭ اياسىندا جٷزدەن استام بانك پەن كريپتووپەراتورعا, رەسەيدٸڭ «كٶلەڭكەلٸ فلوتىنىڭ» 40-تان استام كەمەسٸنە, سونداي-اق ەنەرگەتيكا جەنە ەسكەري-ٶنەركەسٸپ سالالارىنداعى بٸرقاتار نىساندارعا شەكتەۋلەر ەنگٸزٸلدٸ.
