Eýropalyq odaq Reseige qarsy sanktsiialyq qysymdy kúzde aitarlyqtai kúsheitýdi josparlap otyr, dep habarlaidy dalanews.kz.
Bul týraly EO-nyń syrtqy saiasat jáne qaýipsizdik jónindegi joǵary ókili Kaia Kallas Germaniianyń Die Welt gazetine bergen suhbatynda málimdedi.
Kallas jańa shekteýler paketi Ýkrainadaǵy soǵys bastalǵannan beri engizilgen sanktsiialardyń ishindegi eń aýqymdysy bolatynyn aitty. Onyń sózinshe, jańa sharalar qabyldanǵan jaǵdaida sanktsiiaǵa ilikken reseilik jeke tulǵalar, kompaniialar men uiymdardyń jalpy sany shamamen úshten birge artady.
EO-nyń joǵary ókili sanktsiialar Reseige aitarlyqtai ekonomikalyq shyǵyn keltirgenin atap ótti. Onyń baǵalaýynsha, qoldanystaǵy shekteýler Reseidiń soǵys qimyldaryn qarjylandyrý múmkindigine 1 trln eýrodan astam kólemde áser etken.
Kallas jańa paket Resei Ýkrainadaǵy soǵysty toqtatqanǵa deiin Máskeýge qysymdy kúsheitý qajettigimen bailanysty ekenin aitty. Alaida ol jańa sanktsiialardyń naqty tizimi men engizilý merzimin egjei-tegjeili jariialaǵan joq.
Eýropalyq odaq shildede Reseige qarsy sanktsiialardyń 21-paketin qabyldaǵan. Onyń aiasynda júzden astam bank pen kriptooperatorǵa, Reseidiń «kóleńkeli flotynyń» 40-tan astam kemesine, sondai-aq energetika jáne áskeri-ónerkásip salalaryndaǵy birqatar nysandarǵa shekteýler engizildi.
