بۇل جولى ەنەرگەتيكا ءمينيسترى قانات بوزىمبايەۆتىڭ ۇلى تۋرالى ايتامىز، – دەپ جازادى كاراۆان.
قانات الدابەرگەن ۇلى مەن ونىڭ جۇبايى ەلميرا بوزىمبايەۆا ەكەۋىنىڭ ءۇش بالاسى بار. ولار: ۇلى – داۋرەن (1993 ج.ت.)، قىزدارى – ادينا (2000 ج.ت.) مەن ءامينا (2005 ج.ت.).
2015 جىلدىڭ اقپان ايىندا، ياعني قانات بوزىمبايەۆ پاۆلودار وبلىسىنىڭ اكىمى بولىپ تۇرعان كەزدە ونىڭ ۇلى – داۋرەن الدابەرگەننىڭ باسى داۋعا قالدى. داۋ بولعاندا دا، قىلمىستىق جاعىنان.
[caption id="attachment_236028" align="aligncenter" width="600"]
داۋرەن الدابەرگەن وڭ جاقتان ەكىنشى تۇر[/caption]
سول 2015 جىلدىڭ باسىندا پاۆلودارداعى «ۆەرسيا» گازەتىنىڭ رەداكتورى ياروسلاۆ گولىشكين ءجابىر كوردىم دەگەن ءبىر قىزدان بەينەسۇحبات جازىپ العان. ول ءوزىن وبلىس اكىمىنىڭ ۇلى مەن ونىڭ دوسى زورلاعانىن ايتادى.
ءبىراز ۋاقىت وتكەننەن كەيىن قىزدىڭ زورلانعانى راستالدى. ءبىراق داۋرەن الدابەرگەن بۇل جەردە كۋاگەر بولىپ شىعادى. ال كەيىن ءتىپتى تاراپتار كەلىسىمگە كەلدى دەپ، ءىستى جاۋىپ تاستاعان.
ارتىنان وبلىس اكىمىنەن 500 مىڭ دوللار بوپسالانۋىنا قاتىستى جاڭادان ءىس قوزعالدى. بۇل ءىس بويىنشا ءۇش ادام جاۋاپقا تارتىلدى. ولاردىڭ ءبىرى – ياروسلاۆ گولىشكين. ونى كىنالى دەپ تاۋىپ، 8 جىلعا باس بوستاندىعىنان ايىرعان.
وسى جاعدايلاردان كەيىن اكىمنىڭ بالاسى اسكەرگە كەتتى. ال قانات بوزىمبايەۆتىڭ ءوزى 2016 جىلدىڭ 25 ناۋرىزىندا ەلىمىزدىڭ ەنەرگەتيكا ءمينيسترى بولىپ تاعايىندالدى.
داۋرەن قانات ۇلى تۋرالى ءدال قازىرگى ءمالىم جايت مىناۋ: كەشەگى (2016 جىلدىڭ 8 قاراشاسى) دەرەك بويىنشا، ول مەملەكەتكە 38 تەڭگە 19 تيىن قارىز ەكەن. بۇل – ق ر قارجى مينيسترلىگى مەملەكەتتىك كىرىس كوميتەتىنىڭ رەسمي مالىمەتى.
