Bul joly energetıka mınıstri Qanat Bozymbaevtyń uly týraly aıtamyz, – dep jazady Karavan.
Qanat Aldabergenuly men onyń jubaıy Elmıra Bozymbaeva ekeýiniń úsh balasy bar. Olar: uly – Dáýren (1993 j.t.), qyzdary – Adına (2000 j.t.) men Ámına (2005 j.t.).
2015 jyldyń aqpan aıynda, ıaǵnı Qanat Bozymbaev Pavlodar oblysynyń ákimi bolyp turǵan kezde onyń uly – Dáýren Aldabergenniń basy daýǵa qaldy. Daý bolǵanda da, qylmystyq jaǵynan.
[caption id="attachment_236028" align="aligncenter" width="600"]
Dáýren Aldabergen oń jaqtan ekinshi tur[/caption]
Sol 2015 jyldyń basynda Pavlodardaǵy «Versıa» gazetiniń redaktory Iaroslav Golyshkın jábir kórdim degen bir qyzdan beınesuhbat jazyp alǵan. Ol ózin oblys ákiminiń uly men onyń dosy zorlaǵanyn aıtady.
Biraz ýaqyt ótkennen keıin qyzdyń zorlanǵany rastaldy. Biraq Dáýren Aldabergen bul jerde kýáger bolyp shyǵady. Al keıin tipti taraptar kelisimge keldi dep, isti jaýyp tastaǵan.
Artynan oblys ákiminen 500 myń dollar bopsalanýyna qatysty jańadan is qozǵaldy. Bul is boıynsha úsh adam jaýapqa tartyldy. Olardyń biri – Iaroslav Golyshkın. Ony kináli dep taýyp, 8 jylǵa bas bostandyǵynan aıyrǵan.
Osy jaǵdaılardan keıin ákimniń balasy áskerge ketti. Al Qanat Bozymbaevtyń ózi 2016 jyldyń 25 naýryzynda elimizdiń energetıka mınıstri bolyp taǵaıyndaldy.
Dáýren Qanatuly týraly dál qazirgi málim jaıt mynaý: Keshegi (2016 jyldyń 8 qarashasy) derek boıynsha, ol memleketke 38 teńge 19 tıyn qaryz eken. Bul – QR qarjy mınıstrligi Memlekettik kiris komıtetiniń resmı málimeti.
