قازاقستاندا 2025–2026 جىلدارداعى جىلىتۋ ماۋسىمى تۇراقتى ٶتكەن, الايدا ەنەرگەتيكا سالاسىندا جٷيەلٸ پروبلەمالار ەلٸ دە ٶزەكتٸ, دەپ حابارلايدى dalanews.kz.
ٷكٸمەت وتىرىسىندا ەنەرگەتيكا ۆيتسە-مينيسترٸ سۇڭعات ەسٸمحانوۆ ماۋسىم قورىتىندىلارىن جارييالادى.
«2025–2026 جىلدارداعى جىلىتۋ ماۋسىمى اياقتالدى. جٷيەلٸ ۇيىمداستىرىلعان جۇمىستىڭ ارقاسىندا ول تۇراقتى ٶتتٸ. جىلىتۋ كەزەڭٸندە ٸرٸ تەحنولوگييالىق بۇزۋشىلىقتار ورىن العان جوق. تۇتىنۋشىلار ەلەكتر جەنە جىلۋ ەنەرگيياسىمەن تولىق قامتاماسىز ەتٸلدٸ», - دەدٸ ۆيتسە-مينيستر.
ونىڭ ايتۋىنشا, ٶتكەن جىلى ەنەرگەتيكا ينفراقۇرىلىمىن جٶندەۋگە بٶلٸنەتٸن قارجى ارتقان. ەلەكتر ستانتسييالارىندا جٶندەۋ جۇمىستارىنا 348 ملرد تەڭگە باعىتتالىپ, بۇل الدىڭعى كەزەڭنەن 6%-عا كٶپ بولعان. ال جىلۋ جەلٸلەرٸن جٶندەۋگە بٶلٸنگەن قارجى 16%-عا ٶسٸپ, 129 ملرد تەڭگەگە جەتكەن.
«ەلەكتر ستانتسييالارىندا جٶندەۋ كەستەسٸنە سەيكەس 10 ەنەرگوبلوكتا, 63 قازاندىقتا, 39 تۋربينادا كٷردەلٸ جٶندەۋ جٷرگٸزٸلدٸ. ەلەكتر جەلٸلەرٸندە 17 مىڭ شاقىرىم جەلٸ مەن 420 قوسالقى ستانتسييا جٶندەلدٸ. 323 شاقىرىم جىلۋ جەلٸسٸ رەكونسترۋكتسييالانىپ, اۋىستىرىلدى», - دەدٸ ول.
جٷرگٸزٸلگەن جۇمىستار نەتيجەسٸندە جابدىقتاردىڭ توزۋ دەڭگەيٸ بٸرشاما تٶمەندەگەن. ەلەكتر ستانتسييالارىنداعى توزۋ 53%-عا, ەلەكتر جەلٸلەرٸندە 66,2%-عا, ال جىلۋ جەلٸلەرٸندە 50%-عا دەيٸن ازايعان.
سونىمەن قاتار تەحنولوگييالىق بۇزۋشىلىقتار سانى دا قىسقارعان. ەلەكتر جەلٸلەرٸندەگٸ اقاۋلار 12%-عا, ەلەكتر ستانتسييالارىنداعى كٶرسەتكٸش 15%-عا تٶمەندەگەن. جىلۋ جەلٸلەرٸندەگٸ تەمپەراتۋرالىق رەجيمدٸ بۇزۋ جاعدايلارى ٷش ەسە ازايعان.
«2025 جىلعى جەلتوقساندا ەلەكتر گەنەراتسيياسىنىڭ ماكسيمۋمىنا قول جەتكٸزٸلدٸ – 17 273 مۆت, بۇل ٶتكەن كەزەڭمەن سالىستىرعاندا 7%-عا جوعارى», - دەدٸ ۆيتسە-مينيستر.
الايدا سالاداعى نەگٸزگٸ مەسەلە رەتٸندە ەنەرگييا ٶندٸرۋشٸ ۇيىمداردىڭ قارىزى اتالدى.
«ەنەرگييا ٶندٸرۋشٸ ۇيىمداردىڭ وتىن ٷشٸن كرەديتورلىق بەرەشەگٸنٸڭ ەدەۋٸر كٶلەمٸ ماڭىزدى پروبلەمالىق مەسەلە بولىپ تابىلادى. “قازترانسگاز-ايماق” اق الدىنداعى بەرەشەك 37,7 ملرد تەڭگەنٸ قۇرايدى», - دەدٸ سۇڭعات ەسٸمحانوۆ.
كٷزگٸ-قىسقى كەزەڭدە وتىن قورى دا قالىپتاستىرىلعان. قويمالاردا 5,6 ملن توننا كٶمٸر جەنە 152 مىڭ توننا مازۋت جينالعان. جالپى كٶمٸر دايىنداۋ جوسپارى 7,46 ملن توننا بولسا, ٸس جٷزٸندە 8,15 ملن توننا نەمەسە 109,8% ورىندالعان.
الداعى جىلىتۋ ماۋسىمىنا دايىندىق اياسىندا جٶندەۋ جۇمىستارى جالعاسادى. بيىل 9 ەنەرگوبلوك, 55 قازاندىق جەنە 51 تۋربيناعا كٷردەلٸ جٶندەۋ جٷرگٸزۋ جوسپارلانعان.
«ەلەكتر ستانتسييالارىندا جٶندەۋ جۇمىستارىن قارجىلاندىرۋ 384 ملرد تەڭگە دەڭگەيٸندە جوسپارلانعان, بۇل ٶتكەن جىلعى دەڭگەيدەن 9%-عا جوعارى», - دەدٸ ول.
سونىمەن قاتار ەلەكتر جەلٸلەرٸندە 1,2 مىڭ شاقىرىم جەلٸ مەن 54 قوسالقى ستانتسييا جٶندەلٸپ جاتىر. جىلۋ جەلٸلەرٸن جاڭعىرتۋ جوسپارى 377 شاقىرىمدى قۇرايدى.
ۆيتسە-مينيستردٸڭ ايتۋىنشا, بۇل شارالار جٷزەگە اسسا, جابدىقتاردىڭ توزۋ دەڭگەيٸ ەرٸ قاراي تٶمەندەيدٸ: ەلەكتر ستانتسييالارىندا 52%-عا, ەلەكتر جەلٸلەرٸندە 65,7%-عا, جىلۋ جەلٸلەرٸندە 48%-عا دەيٸن.
مەملەكەت باسشىسىنىڭ تاپسىرماسىمەن ەنەرگەتيكا جەنە كوممۋنالدىق سەكتوردى جاڭعىرتۋدىڭ ۇلتتىق جوباسى ٸسكە اسىرىلۋدا. بيىل جالپى سوماسى 626,8 ملرد تەڭگەگە 130 كم جىلۋ جەلٸسٸ مەن 10 490 كم ەلەكتر جەلٸسٸن جاڭعىرتۋ كٶزدەلگەن.
سونداي-اق ٶڭٸرلەردٸ قولداۋ ٷشٸن ٷكٸمەت رەزەرۆٸنەن 7 ٶڭٸرگە 25,4 ملرد تەڭگە بٶلۋ جوسپارلانعان. قازٸرگٸ تاڭدا شىعىس قازاقستان, جەتٸسۋ جەنە اباي وبلىستارىنا قاراجات بٶلٸنگەن.
مىسالى, تالدىقورعاندا جاڭا قازاندىق سالىنىپ جاتىر, ريددەردە جىلۋ ەلەكتر ورتالىعى جاڭعىرتىلۋدا, ال سەمەيدە قازاندىقتار جٶندەلٸپ جاتىر.
جالپى, ٷكٸمەت الداعى جىلىتۋ ماۋسىمىنا دايىندىق جۇمىستارىن جالعاستىرىپ, ەنەرگەتيكالىق جٷيەنٸڭ تۇراقتىلىعىن قامتاماسىز ەتۋگە باعىتتالعان شارالاردى كٷشەيتپەك.
