قازاقستان رەسپۋبليكاسىنىڭ بەسەكەلەستٸكتٸ قورعاۋ جەنە دامىتۋ اگەنتتٸگٸ قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸمەن بٸرلەسٸپ, سالانىڭ قۇزىرەتتٸ ماماندارىن تارتا وتىرىپ, ياندەكس تاكسي كومپانيياسىنىڭ الگوريتمدٸك باعا قالىپتاستىرۋ تيٸمدٸلٸگٸنە اۋديت جٷرگٸزدٸ. اۋديتتەن ٶتۋ مٸندەتٸ ياندەكس تاكسيگە مونوپوليياعا قارسى كومپلاەنس اياسىندا جٷكتەلگەن بولاتىن, دەپ حابارلايدى Dalanews.kz.
اۋديتتٸڭ ماقساتى — ياندەكس سەرۆيسٸن, ونىڭ ٸشٸندە تاكسي قىزمەتتەرٸنٸڭ باعاسىنا ەسەر ەتەتٸن شارتتار مەن پارامەترلەردٸ زەردەلەۋ بولدى.
اتاپ ايتقاندا, جٷيەنٸڭ ارحيتەكتۋراسى, باعا قالىپتاستىرۋدىڭ بازالىق جەنە ديناميكالىق كومپونەنتتەرٸ زەرتتەلدٸ, سونىمەن بٸرگە ەۋەجاي ايماقتارى مەن قالانىڭ ورتالىعىنان الىس اۋداندارداعى ەرەكشەلٸكتەر, سونداي-اق وپەراتسييالىق پروتسەستەر قاراستىرىلدى.
اۋديتتٸڭ باستاپقى قورىتىندىلارى بويىنشا باعا بەلگٸلەۋ جٷيەسٸندە بٸرقاتار تەۋەكەلدەر انىقتالدى. كەيبٸر تەۋەكەلدەر جويىلدى, ال قالعاندارى بويىنشا ياندەكس ولاردى جويۋ جٶنٸندە مٸندەتتەمەلەر قابىلدادى.
وسىلايشا, اگەنتتٸكتٸڭ حابارلاماسى نەگٸزٸندە پايدالانۋشىلارعا ارنالعان ادالدىق باعدارلاماسىنىڭ ەرەجەلەرٸ (ياندەكس+ باعدارلاماسى) ٶزگەرتٸلدٸ, نەتيجەسٸندە ياندەكس وسى باعدارلاما بويىنشا بارلىق شىعىنداردى (كليەنتتەرگە ۇسىنىلاتىن جەڭٸلدٸكتەردٸ) تولىق ٶز موينىنا الدى.
ياندەكس قولدانىستاعى كومپلاەنس جٷيەسٸنە مىناداي ٶزگەرٸستەر ەنگٸزدٸ:
- تاكسي تاريفتەرٸنٸڭ جەنە جول جٷرۋدٸڭ بازالىق قۇنىنىڭ قىمباتتايتىنى تۋرالى اگەنتتٸككە 3 كٷن بۇرىن حابارلاۋ;
- ەۋەجاي ماڭىنداعى كەيبٸر تۇرعىن ايماقتاردى ەۋەجاي تاريفتٸك ايماعىنان الىپ تاستاۋ (1 اپتا ٸشٸندە);
- جول جٷرۋدٸڭ بازالىق قۇنىنان ەكٸ ەسە اساتىن سومادان كوميسسييا ۇستاماۋ (بۇل جٷرگٸزۋشٸلەردٸڭ تابىسىن ارتتىرۋعا ىقپال ەتەدٸ);
- «ەكونوم» تاريفٸندەگٸ كوميسسييانى ەر قالادا ەكٸ جىلدا بٸر رەتتەن جيٸ كٶتەرمەۋ (اتالعان تاريف ەڭ سۇرانىسقا يە تاريف بولىپ تابىلادى);
- ماكسيمالدى سۇرانىس جاعدايىندا تاريفتٸ ٷش ەسەدەن ارتىق كٶتەرۋدٸ شەكتەۋ (مىسالى, اۋا رايى قولايسىز كٷندەرٸ نەمەسە مەرەكە كٷندەرٸ, مۇنداي ساپارلار ەر توقساندا ەر قالادا بارلىق ساپارلاردىڭ 5%-ىنان اسپاۋى كەرەك, بۇل تالاپ ناقتى كٶرسەتٸلگەن);
- سۇرانىسى تٶمەن ايماقتار ٷشٸن تاريف قۇرامىنداعى قوسىمشا تٶلەم كومپونەنتٸن پايدالانۋشى قوسىمشاسىندا تٷسٸنٸكتٸ كٶرسەتۋ;
- 2025 جىلدىڭ 30 ماۋسىمىنان كەشٸكتٸرمەي پايدالانۋشىلارعا ساپار باعاسىنىڭ تولىق قۇرىلىمىن قوسىمشادا كٶرسەتۋ;
- تەحنيكالىق قولداۋ ساپاسىن ارتتىرۋ, اتاپ ايتقاندا, پايدالانۋشىلاردىڭ ٶتٸنٸشتەرٸن ٶڭدەۋ الگوريتمٸن وڭتايلاندىرۋ.
بۇدان بٶلەك, ياندەكس تاكسي پايدالانۋشىلاردى تاكسي قىزمەتتەرٸنە سۇرانىس دەڭگەيٸ تۋرالى حاباردار ەتۋ شارالارىن جاقسارتپاق. اتاپ ايتقاندا, «ەكونوم» تاريفٸندە سۇرانىس ٶتە جوعارى بولعان كەزدە (مىسالى, اۋا رايىنىڭ قولايسىزدىعى كەزٸندە) سىناق رەجيمٸندە ۆيرتۋالدى كەزەك جٷيەسٸ ەنگٸزٸلەدٸ. بۇل جٷيە ارقىلى پايدالانۋشى قانشا ادامنىڭ تاكسي كٷتٸپ تۇرعانىن كٶرە الادى جەنە تاڭداۋ جاساي الادى: كەزەككە تۇرۋ, باسقا تاريفتٸ تاڭداۋ نەمەسە قوعامدىق كٶلٸكپەن جٷرۋ.
ياندەكس تاكسي انتيمونوپولييالىق كومپلاەنس اياسىنداعى مٸندەتتەمەلەرٸنٸڭ ورىندالۋى اگەنتتٸك جانىنداعى ارنايى مونيتورينگتٸك توپتىڭ باقىلاۋىندا. ونىڭ قۇرامىنا كەسٸبي قاۋىمداستىقتاردىڭ ساراپشىلارى (باستاماشىل توپتاردىڭ, كٶلٸك, ەڭبەك جەنە حالىقتى ەلەۋمەتتٸك قورعاۋ, ەدٸلەت, تسيفرلىق دامۋ جەنە يننوۆاتسييالار مينيسترلٸكتەرٸنٸڭ, سونداي-اق تاكسوپاركتەر قاۋىمداستىعىنىڭ ٶكٸلدەرٸ) كٸرەدٸ.
ٷكٸمەتكە جەكە كەسٸپكەرلەر ٷشٸن ارنايى سالىق رەجيمٸ بويىنشا سالىقتىق ەسەپتٸلٸكتٸ جەڭٸلدەتۋگە قاتىستى زاڭنامالىق تٷزەتۋلەردٸ جەدەل ەنگٸزۋ جٶنٸندە ۇسىنىستار جولداندى. بۇل ٶزگەرٸستەر تاكسي جٷرگٸزۋشٸلەرٸنٸڭ تابىسىن ارتتىرۋعا ىقپال ەتەدٸ.
