قازاقستاندا مەملەكەتتٸك كوللەدجدەردٸڭ سپورت زالدارى, باسسەيندەرٸ, ستاديوندارى جەنە باسقا دا سپورت نىساندارى ەندٸ ساباقتان تىس ۋاقىتتا جەرگٸلٸكتٸ تۇرعىنداردىڭ پايدالانۋىنا بەرٸلەدٸ. بۇل ٶزگەرٸس سپورت ينفراقۇرىلىمىن تيٸمدٸ پايدالانىپ, بۇقارالىق سپورتتى دامىتۋعا باعىتتالعان, دەپ حابارلايدى dalanews.kz.
تيٸستٸ نورما "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەلەۋمەتتٸك زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ اياسىندا "بٸلٸم تۋرالى" زاڭعا ەنگٸزٸلدٸ.
بۇعان دەيٸن مۇنداي مٷمكٸندٸك تەك مەكتەپتەرگە عانا قاراستىرىلعان. ەندٸ مەملەكەتتٸك كوللەدجدەردٸڭ دە سپورت نىساندارى وقۋ پروتسەسٸ اياقتالعاننان كەيٸن تۇرعىنداردىڭ يگٸلٸگٸنە ۇسىنىلادى.
وقۋ-اعارتۋ مينيسترلٸگٸنٸڭ مەلٸمەتٸنشە, سپورت نىساندارىن پايدالانۋعا بەرۋدەن تٷسكەن قاراجات كوللەدجدەردٸڭ ماتەريالدىق-تەحنيكالىق بازاسىن نىعايتۋعا جۇمسالادى. اتاپ ايتقاندا, قارجى سپورت زالدارى مەن باسسەيندەردٸ كٷتٸپ ۇستاۋعا, جٶندەۋ جۇمىستارىنا, جاڭا سپورتتىق جابدىقتار ساتىپ الۋعا جەنە ينفراقۇرىلىمدى جاڭعىرتۋعا باعىتتالادى.
مينيسترلٸك بۇل ٶزگەرٸس سپورت نىساندارىنىڭ تيٸمدٸ پايدالانىلۋىنا جول اشىپ قانا قويماي, بۇقارالىق سپورتتى دامىتۋعا, سالاۋاتتى ٶمٸر سالتىن ناسيحاتتاۋعا جەنە ازاماتتاردىڭ دەنە شىنىقتىرۋمەن تۇراقتى اينالىسۋىنا قولايلى جاعداي جاساۋعا ىقپال ەتەتٸنٸن اتاپ ٶتتٸ.
