قازاقستاندا گۋمانويد روبوتتار شىعاراتىن ٶندٸرٸس قۇرۋ جوسپارلانىپ وتىر. جوبا حالىقارالىق AgiBot تەحنولوگييالىق كومپانيياسىمەن بٸرلەسٸپ جٷزەگە اسىرىلادى. بۇل تۋرالى عىلىم جەنە جوعارى بٸلٸم مينيسترلٸگٸ مەلٸمدەدٸ, دەپ حابارلايدى dalanews.kz.
جوبا استاناداعى Alem.ai الاڭىندا ٶتكەن Qazbot Robotics Forum بارىسىندا تانىستىرىلدى. ٸس-شاراعا مەملەكەتتٸك ورگانداردىڭ, جوعارى وقۋ ورىندارىنىڭ, تەحنولوگييالىق كومپانييالار مەن ساراپشىلار قاۋىمداستىعىنىڭ ٶكٸلدەرٸ قاتىستى.
جوسپار بويىنشا قازاقستاندا گۋمانويد روبوتتار مەن Embodied AI تەحنولوگييالارىن ەزٸرلەۋ جەنە ٶندٸرۋ قولعا الىنادى. AgiBot كومپانيياسىمەن سەرٸكتەستٸك اياسىندا شەتەلدٸك تەحنولوگييالاردى ەلدە جەرگٸلٸكتەندٸرۋ, ينجەنەرلٸك قۇزىرەتتەردٸ دامىتۋ, عىلىمي زەرتتەۋلەر جٷرگٸزۋ جەنە ماماندار دايارلاۋ كٶزدەلگەن.
عىلىم جەنە جوعارى بٸلٸم مينيسترٸ ساياسات نۇربەكتٸڭ ايتۋىنشا, باستامانىڭ ماقساتى دايىن تەحنولوگييالاردى پايدالانۋمەن عانا شەكتەلمەي, قازاقستاننىڭ ٶزٸندٸك عىلىمي جەنە ينجەنەرلٸك ەلەۋەتٸن قالىپتاستىرۋعا باعىتتالعان.
"بٸزدٸڭ مٸندەتٸمٸز – دايىن تەحنولوگييالىق شەشٸمدەردٸ ەنگٸزۋمەن عانا شەكتەلمەي, قازاقستاندا ٶزٸمٸزدٸڭ ينجەنەرلٸك جەنە عىلىمي قۇزىرەتتەرٸمٸزدٸ قالىپتاستىرۋ. گۋمانويد روبوتتار ٶندٸرٸسٸ ۋنيۆەرسيتەتتەردٸ, عالىمدار مەن يندۋسترييانى بٸرتۇتاس تەحنولوگييالىق تٸزبەككە بٸرٸكتٸرەتٸن الاڭعا اينالۋى تيٸس. بۇل – ماماندار دايارلاۋ مەن عىلىمي زەرتتەۋلەردەن باستاپ, تەحنولوگييالىق شەشٸمدەردٸ ەزٸرلەۋ جەنە ولاردى ٶنەركەسٸپتە قولدانۋعا دەيٸنگٸ تولىق تسيكل", - دەدٸ مينيستر.
قازٸرگٸ ۋاقىتتا قازاقستاندىق جوعارى وقۋ ورىندارىندا روبوتوتەحنيكا, مەحاترونيكا, ٶنەركەسٸپتٸك اۆتوماتتاندىرۋ, ينتەللەكتۋالدى جٷيەلەر جەنە جاساندى ينتەللەكت باعىتتارى بويىنشا 56 بٸلٸم بەرۋ باعدارلاماسى جٷزەگە اسىرىلىپ جاتىر. ستۋدەنتتەردٸڭ جاساندى ينتەللەكت سالاسىنداعى قۇزىرەتتەرٸن دامىتۋ ٷشٸن AI-Sana باعدارلاماسى دا ٸسكە قوسىلعان.
قازاقستاندىق ۋنيۆەرسيتەتتەر مەن AgiBot اراسىنداعى ىنتىماقتاستىق جەكە باعىت رەتٸندە دامىتىلادى. ونىڭ اياسىندا عالىمدار, وقىتۋشىلار جەنە ستۋدەنتتەر گۋمانويد روبوتوتەحنيكا مەن جاساندى ينتەللەكت سالاسىنداعى زەرتتەۋلەرگە تارتىلادى. سونىمەن قاتار, وزىق روبوتوتەحنيكالىق تەحنولوگييالاردى وتاندىق ٶنەركەسٸپتٸڭ قاجەتتٸلٸكتەرٸنە بەيٸمدەۋ جوسپارلانعان.
جوباعا نازارباەۆ ۋنيۆەرسيتەتٸنٸڭ اقىلدى جٷيەلەر جەنە جاساندى ينتەللەكت ينستيتۋتى (ISSAI) دا قاتىسادى. ينستيتۋت گۋمانويد روبوتوتەحنيكا سالاسىنداعى عىلىمي زەرتتەۋلەر مەن جٷيەلٸك ينتەگراتسيياعا جاۋاپتى سەرٸكتەس بولادى.
فورۋم بارىسىندا ساياسات نۇربەك QAZBOT جەنە AgiBot باسشىلارىمەن كەزدەسٸپ, ينجەنەرلٸك كادرلار دايارلاۋ, بەيٸندٸ زەرتحانالار اشۋ جەنە بٸرلەسكەن عىلىمي زەرتتەۋلەر جٷرگٸزۋ مەسەلەلەرٸن تالقىلادى. سونداي-اق ستۋدەنتتەر مەن عالىمداردى گۋمانويد روبوتتاردى ەزٸرلەۋگە باعىتتالعان جوبالارعا تارتۋ جايى سٶز بولدى.
جوبانى جٷزەگە اسىرۋ ارقىلى بٸلٸم, عىلىم جەنە ٶندٸرٸس اراسىنداعى بايلانىستى كٷشەيتٸپ, قازاقستاندا روبوتوتەحنيكا مەن جاساندى ينتەللەكت سالاسىنداعى ٶزٸندٸك تەحنولوگييالىق بازا قالىپتاستىرۋ كٶزدەلٸپ وتىر.
