قازاقستاندا تۇرعىن ٷيلەردٸڭ پودەزدەرٸ مەن باسپالداق الاڭدارىنا اربا, ۆەلوسيپەد, ساموكات, تٸپتٸ ەسكٸ جيھاز قويۋعا زاڭ جٷزٸندە تىيىم سالىنادى, دەپ حابارلايدى Dalanews.kz.
Krisha.kz مەلٸمەتٸنشە, مۇنداي ەرەكەت ٶرت قاۋٸپسٸزدٸگٸ تالاپتارىن ٶرەسكەل بۇزادى. تٶتەنشە جاعداي كەزٸندە ەۆاكۋاتسييالاۋ جولى اشىق ەرٸ بوس تۇرۋى قاجەت.
«جەكە زاتتاردى تەك ارنايى بٶلٸنگەن ورىنداردا – ورتاق قويمالاردا نەمەسە اربا قوياتىن بٶلمەلەردە ساقتاۋعا رۇقسات بەرٸلەدٸ. پودەزدٸ جەكە باس ماقساتىندا قولدانۋعا زاڭ جٷزٸندە تىيىم سالىنعان. بۇل تالاپقا اربا دا كٸرەدٸ. ەگەر كٶرشٸلەرٸڭٸز ۆەلوسيپەد, اربا, جيھاز, ساموكات سيياقتى جەكە مٷلٸكتەرٸن باسپالداق الاڭىنا قويسا, فوتو جەنە ۆيدەوعا تٷسٸرٸپ, پوليتسيياعا شاعىمدانا الاسىز. مۇنداي ەرەكەت ەكٸمشٸلٸك قۇقىق بۇزۋشىلىق تۋرالى كودەكستٸڭ 505-بابىنا سەيكەس كەلەدٸ», – دەيدٸ زاڭگەر اركاديي رۋبتسوۆ.
قر ەقبتك 505-بابى («اۋماقتاردى اباتتاندىرۋ ەرەجەلەرٸن بۇزۋ») بويىنشا, جەكە تۇلعالارعا الدىمەن ەسكەرتۋ بەرٸلەدٸ نەمەسە 20 اەك (شامامەن 79 000 تەڭگە) كٶلەمٸندە ايىپپۇل سالىنادى. ەگەر زاڭ بۇزۋشىلىق بٸر جىل ٸشٸندە قايتالانسا, ايىپپۇل مٶلشەرٸ 30 اەك-كە (118 000 تەڭگەگە) ٶسەدٸ.
زاڭ بۇزۋشىعا «ەشكٸمگە زييانى جوق» دەگەن ساموكات ٷشٸن دە, باسپالداققا تاستالعان ەسكٸ ديۆان نەمەسە قوقىس سالىنعان قوراپتار ٷشٸن دە دەل وسىنداي شارا قولدانىلادى.
