دەنساۋلىق ساقتاۋ مينيسترلىگى شۇعىل ەمەس، ياعني ناۋقاستىڭ ومىرىنە ءقاۋىپ توندىرمەيتىن ءتورتىنشى ساناتتاعى جەدەل جاردەم شاقىرۋلارىنىڭ ءتاريفىن ارتتىرۋ جونىندەگى جوبانى قوعامدىق تالقىلاۋعا شىعاردى. جوسپار بويىنشا، كەشكى جانە تۇنگى ساعاتتارداعى شاقىرۋلار ءۇشىن تاريف 340 تەڭگەدەن 360 تەڭگەگە كوتەرىلمەك، دەپ حابارلايدى Dalanews.kz.
مينيسترلىكتىڭ ايتۋىنشا، ءتاريفتىڭ ءوسۋى اسىرەسە اۋرۋحانالار جابىق تۇرعاندا جانە بريگادالارعا جۇكتەمە كوپ بولاتىن ۋاقىتتا قىزمەت كورسەتۋ جىلدامدىعىن ارتتىرادى. بۇل وزگەرىس شاقىرۋلارعا جەدەل جاۋاپ بەرۋدى جانە كورسەتىلەتىن مەديسينالىق كومەكتىڭ ساپاسىن جاقسارتۋعا باعىتتالعان.
قوعامدىق تالقىلاۋ 15 جەلتوقسانعا دەيىن جالعاسادى.
سونداي-اق 2027 جىلدان باستاپ شۇعىل ەمەس شاقىرۋلاردى پوليكلينيكالار قابىلدايدى. ولاردىڭ ءموبيلدى بريگادالارى جۇمىس كۇندەرى 08:00-دەن 18:00-گە، سەنبى كۇنى 12:00-گە دەيىنقىزمەت كورسەتەدى. ال قالعان ۋاقىتتا مۇنداي شاقىرۋلاردى جەدەل جاردەم قىزمەتىقامتاماسىز ەتەدى.
