مەجٸلٸس دەپۋتاتى نارتاي سەرسەنعاليەۆ ەل بيۋدجەتٸندەگٸ سپورتقا بٶلٸنەتٸن قارجىنىڭ ماقساتتى ەرٸ تيٸمدٸ جۇمسالۋىنا بايلانىستى ماڭىزدى ٶزگەرٸستەردٸ مەلٸمدەدٸ. ونىڭ ايتۋىنشا, ەندٸ شەتەلدٸك سپورتشىلار مەملەكەتتٸك قارجىدان ايلىق, بونۋس نەمەسە ترانسفەر تٷرٸندە قاراجات الا المايدى, دەپ حابارلايدى Dalanews.kz.
“قازاقستان رەسپۋبليكاسىنىڭ ازاماتى ەمەس سپورتشىلارعا بيۋدجەتتەن اقشا بٶلٸنبەيدٸ. سونداي-اق “سامۇرىق-قازىنا” سەكٸلدٸ كۆازيمەملەكەتتٸك كومپانييالاردىڭ قاراجاتىنان دا شەتەل ازاماتتارىنا قارجى بەرۋگە تىيىم سالىندى”, — دەدٸ دەپۋتات.
سەرسەنعاليەۆ بۇعان دەيٸن اقىلعا قونىمسىز 180-نەن استام سپورت تٷرٸ تٸزٸمگە ەنگٸزٸلگەنٸن اتاپ ٶتتٸ.
“تٸپتٸ ونىڭ قاتارىندا “سپورتتىق بالعالاۋ” سەكٸلدٸ سپورت تٷرٸ دە بولدى. سونى بٸز ٷش ەسەگە قىسقارتتىق. وسىلايشا بٸز “جوعارى جەتٸستٸكتەر سپورتى” دەگەن ارنايى تٷسٸنٸك ەنگٸزدٸك. ەندٸ مەملەكەتتەن قارجىلاندىرۋ تەك وليمپيادا, پاراليمپيادا, سۋردليمپيادا, ازييا ويىندارى, پاراازييا ويىندارى جەنە ۇلتتىق سپورت تٷرلەرٸنە عانا قاراستى سپورتتارعا بەرٸلەدٸ. ونىڭ جالپى سانى شامامەن 60-قا جۋىق”, — دەپ ناقتىلادى ول.
سونىمەن قاتار “باسىم سپورت تٷرلەرٸ” دەگەن جاڭا ۇعىم زاڭناماعا ەنگٸزٸلگەن. بۇل — ەلەمدٸك ارەنادا ناقتى نەتيجەگە قول جەتكٸزگەن سپورت تٷرلەرٸن ايقىنداپ, ولارعا قوسىمشا قولداۋ كٶرسەتۋگە باعىتتالعان. باستاپقىدا بۇل تٸزٸمدە ۇلتتىق سپورت تٷرلەرٸ بولماعان, الايدا دەپۋتاتتىڭ باستاماسىمەن ولار دا ەنگٸزٸلگەن.
دەپۋتاتىڭ ايتۋىنشا, مەملەكەت قارجىسى بۇدان بىلاي ٷش نەگٸزگٸ باعىتقا بٶلٸنەدٸ:
1. مەملەكەتتٸك سپورت مەكەمەلەرٸن قولداۋ;
2. بۇقارالىق سپورتتى دامىتۋ;
3. سپورت ينفراقۇرىلىمىن جەتٸلدٸرۋ.
بۇل قادامدار بيۋدجەتتٸڭ اشىقتىعى مەن تيٸمدٸلٸگٸن ارتتىرىپ, سپورت سالاسىنداعى ەدٸلەتتٸكتٸ قامتاماسىز ەتۋدٸ كٶزدەيدٸ.
