بٷگٸندە جىل سايىن پەداگوگ مامانداردىڭ جالاقىسى 25 پروتسەنتكە ٶسٸپ وتىرادى. وسىلايشا, مۇعالٸمدەردٸڭ جالاقىسىن ەكٸ ەسەگە كٶتەرۋ جوسپارلانعان.
"بٸز بارلىق مۇعالٸمدەردٸڭ جالاقىسىن 25 پروتسەنتكە كٶتەردٸك. ول جاعىنان ەشقانداي شەكتەۋ جوق. بٸراق ٶز شەبەرلٸگٸن كٶرسەتٸپ جٷرگەن ماماندار سەل جوعارى الادى. مەسەلەن, حيمييانى نەمەسە فيزيكانى اعىلشىن تٸلٸندە بەرەتٸندەر كٶبٸرەك جالاقى الادى. ماگيستر دەرەجەسٸ بولسا, تاعى 30 مىڭ تەڭگە قوسىلادى", - دەدٸ ايماعامبەتوۆ جۋرناليستەرگە بەرگەن سۇحباتىندا.
مينيستردٸڭ ايتۋىنشا, كەز كەلگەن مۇعالٸم اعىلشىن تٸلٸن ٷيرەنٸپ, ماگيستر دەرەجەسٸن الا الادى. سٶيتٸپ, كٶبەرٸك جالاقى الۋعا مٷمكٸندٸگٸ بار.
"بارلىعىنا بٸردەي جاعداي جاسالعان. ال ەڭبەك ٶتٸلٸ كٶپ ەسكەرٸلمەيدٸ", - دەپ اتاپ كٶرسەتتٸ ايماعامبەتوۆ.
وسى ورايدا مينيستر جاس ماماندارعا قاتىستى تالاپتىڭ كٷشەيتٸلگەنٸن دە ەسكە سالدى. بىلتىردان باستاپ جاس پەداگوگتار مەكتەپكە جۇمىسقا تۇرۋ ٷشٸن تەستٸلەۋدەن ٶتەدٸ. ونىڭ نەتيجەسٸ كٶڭٸل كٶنشٸتەرلٸك ەمەس.
"ٶتكەن جىلى 33 مىڭعا جۋىق ادام تەست تاپسىرعان. ولاردىڭ 90 پروتسەنتٸ نارازى بولدى. بٸراق تەست كەزٸندە تٷلەكتەردٸڭ كٶبٸسٸ تٶرت جىل بويى ماتەماتيكا فاكۋلتەتٸندە وقىسا دا, مەكتەپ باعدارلاماسى بويىنشا ٶتە المادى", - دەيدٸ ايماعامبەتوۆ.
دەرەككٶز: stan.kz
