كونستيتۋسيالىق كوميسسيانىڭ ءۇشىنشى وتىرىسىندا ءال-فارابي اتىنداعى قازۇۋ پروفەسسورى، زاڭ عىلىمدارىنىڭ دوكتورى ەركىن دۇيسەنوۆ جالپى ەرەجەلەر تۋرالى جانە ادام قۇقىقتارى مەن بوستاندىقتارىنا قاتىستى بولىمدەردى تۇزەتۋدىڭ ءۇش نەگىزگى ءتاسىلىن اتادى، دەپ حابارلايدى Dalanews.kz
دۇيسەنوۆتىڭ ايتۋىنشا، «جالپى ەرەجەلەر»ءبولىمىن «كونستيتۋسيالىق قۇرىلىس نەگىزدەرى» دەپ قايتا اتاۋ ەرەكشە ماڭىزدى.
«جالپى ەرەجەلەر» ءبولىمىنىڭ اتاۋىن «كونستيتۋسيالىق قۇرىلىستىڭ نەگىزدەرى» دەپ وزگەرتۋدى تولىق قولدايمىن. بۇل ءبولىم قازاقستان مەملەكەتتىلىگىنىڭ ىرگەتاسى تۋرالى،سوندىقتان ءبىز قازاقستاندىق مەملەكەتتىلىكتىڭ قاعيداتتارى مەن تاسىلدەرىن كوتەرمەلەپ قانا قويماي، كونستيتۋسيالىق-قۇقىقتىق جولداۋلار ارقىلى ازاماتتاردىڭ ناقتى قۇقىقتىق ساناسىن قالىپتاستىرۋعا ءتيىسپىز"، – دەپ اتاپ ءوتتى ول.
ەكىنشى ماڭىزدى ناقتىلاۋ – ەڭبەك قۇقىعىن تۇجىرىمداۋدى ناقتىلاۋ، - دەپ اتادى ەركىن دۇيسەنوۆ.
«ەڭبەك بوستاندىعىن ەمەس، ەڭبەككە قۇقىقتى كورسەتۋ تۋرالى ۇسىنىستى قولدايمىن. بۇل قازاقستان راتيفيكاسيالاعان ەكونوميكالىق،الەۋمەتتىك جانە مادەني قۇقىقتار تۋرالى حالىقارالىق پاكتىگە سايكەس كەلەدى. باسقا قاتىسۋشى مەملەكەتتەر ءار ادامنىڭ ناقتى ەڭبەك ەتۋ قۇقىعىن مويىندايدى»، - دەپ ءبولىستى سپيكەر.
سونىمەن قاتار، سپيكەر كونستيتۋسيادا نەكە تۋرالى نورمانىڭ بەكىتىلۋىن قولدادى.
«نەكە ەرلەر مەن ايەلدەرءدىڭ زاڭعا سايكەس مەملەكەت تىركەگەن ەرىكتى جانە تەڭ قۇقىقتى وداعى بولىپ تابىلادى دەگەن نورمانى ەنگىزۋدى قولدايمىن. مۇنداي ءتاسىل زايىرلى مەملەكەتتىڭ ساياساتىنا، تەڭدىك پەن كەمسىتپەۋشىلىككە، سونداي-اق ۇلتىمىزدىڭ رۋحاني-ادامگەرشىلىك كودىنا سايكەس كەلەدى"، - دەپ اتاپ ءوتتى Eركىن دۇيسەنوۆ.
