قازاقستاندا 100 جەنە ودان دا ٷلكەنٸرەك جاستاعى 448 ازامات بار. ەڭ جاسى ٷلكەن قازاقستاندىق ۇلىتاۋ وبلىسىندا تۇرادى, ول 115 جاسقا تولعان تۋعان كٷنٸن اتاپ ٶتتٸ, - دەپ حابارلايدى Dalanews.kz.
جٷز جاسقا تولعانداردىڭ كٶپشٸلٸگٸ ەلٸمٸزدٸڭ ەڭ ٸرٸ قالاسى الماتىدا تۇرادى, وندا 100 جەنە ودان جوعارى جاستاعى 58 ادام بار.
ەكٸنشٸ ورىندا تٷركٸستان وبلىسى. وندا 100 جاستان اسقان 53 ادام تۇرادى.
ۇزاق ٶمٸر سٷرەتٸندەر سانى بويىنشا ٷشٸنشٸ ورىندا الماتى وبلىسى تۇر, وندا 100 جەنە ودان جوعارى جاستاعى 37 ادام تۇرادى.
ەڭ قارت قازاقستاندىق - ۇلىتاۋ وبلىسىنىڭ تۇرعىنى, ول 115 جاستا, ودان سوڭ پاۆلودار وبلىسىنىڭ تۇرعىنى 113 جاستا, ال جامبىل وبلىسىنىڭ تۇرعىنى 110 جاستا.
ايتا كەتەيٸك, جىل سايىن بٷكٸل ەلەمدە, ونىڭ ٸشٸندە قازاقستاندا دا 1 قازاندا حالىقارالىق قارتتار كٷنٸ اتاپ ٶتٸلەدٸ. بۇل مەرەكەنٸ 1990 جىلى 14 جەلتوقساندا بٸرٸككەن ۇلتتار ۇيىمىنىڭ باس اسسامبلەياسى 45-سەسسييادا جارييالادى.
