ەكس-مينيستر قۋاندىق بيشٸمباەۆقا قاتىستى ٸس ەلدەگٸ تۇرمىستىق زورلىق-زومبىلىق مەسەلەسٸن ايقىن كٶرسەتٸپ بەردٸ. وتباسى مەسەلەلەرٸ جٶنٸندەگٸ تانىمال پسيحولوگ ەرجان مىرزاباەۆ ەليتانىڭ ٸشٸندە مۇنداي جايتتار بار ەكەنٸن اشىق ايتتى. ونىڭ سٶزٸنشە, تانىمال ادامداردىڭ جۇبايلارى پسيحولوگ كٶمەگٸنە جيٸ جٷگٸنەدٸ, - دەپ حابارلايدى Dalanews.kz.
بيشٸمباەۆ كەيسٸ ٸلۋدە بٸر بولاتىن جاعداي ما, ەلدە ەليتانىڭ ٸشٸندە دە مۇنداي جاعداي جيٸ بولىپ تۇرا ما, تەك جاسىرا ما? بۇل ساۋالعا جاۋاپ بەرگەن پسيحولوگ وتباسىلىق مەسەلەمەن جٷگٸنەتٸن ەليتالى كليەنتتەرٸ بارىن جاسىرمادى.
"ەليتانىڭ ٶزٸندە مۇنداي جاعداي ٶتە كٶپ بولادى. ەليتانىڭ ٸشٸنەن كليەنتتەرٸم بار, ەيەل كٸسٸلەر. وتباسىندا كٷيەۋٸمەن بولىپ جاتقان جاعدايدى ەستٸگەن كەزدە شاشىڭىز تٸك تۇرادى. "كٷنٸگە تەلەديداردان كٶرٸپ جٷرمٸن عوي, مىناۋ ما?" دەيسٸز. "مىناۋ ما, بەرٸ تانيدى عوي" دەيسٸز. تەك ەليتا مۇنى جاسىرادى.
ەليتادا بايقاعانىم, ەيەلدەردٸڭ كٶبٸنە كٷيەۋٸنەن ماتەريالدى مٷددەسٸ بار. "مەن قازٸر اجىراسسام كٸم بولامىن? مىسالى, قاراپايىم ەيگەرٸم بولىپ قالامىن. اجىراسپاسام, ستاتۋس بار, پەلەنشەنٸڭ ەيەلٸ - ەيگەرٸم. سول ٷشٸن ەسٸك اشىلادى, مەنٸ بەرٸ سىيلايدى, قىزىل كٸلەم جايىلادى. وسىنىڭ بارلىعىنان بٸر سەتتە ايرىلىپ قالامىن. سول ٷشٸن شىدايىن, كٶنەيٸن, تەربيەلەيٸن, ٶزگەرتۋگە تىرىسايىن" (دەپ ويلايدى - ەسك.) جەنە وسىنى تىرناقشانىڭ ٸشٸندە ەيەلدٸك دانالىق رەتٸندە جاستارعا ٷگٸتتەيدٸ.
زورلىق-زومبىلىقتى ناسيحاتتاپ جاتقان, تىرناقشانىڭ ٸشٸندەگٸ دانا ەيەلدەردٸڭ 80-90 پايىزى زورلىق-زومبىلىقتىڭ قۇربانى دەپ ايتۋعا بولادى ", - دەدٸ پسيحولوگ "حالىق ٷنٸنە" بەرگەن سۇحباتىندا.
سونىمەن قاتار, پسيحولوگ ٶز كٶمەگٸنە جٷگٸنەتٸن ادامداردىڭ جۇبايلارى قانداي قىزمەتتە وتىرعانىن ايتتى.
"ۇلتتىق كومپانييادا جوعارى لاۋازىمدى, سىرتقى مينيسترلٸگٸنٸڭ قىزمەتكەرٸ, شەتەلدە لاۋازىمدى قىزمەت ەتٸپ جاتىر, مينيسترلٸكتە دەپارتامەنت باسشىسى, تانىمال كەسٸپكەر, تانىمال بلوگەر جەنە جۇلدىزدار, ەنشٸ, بيشٸ - بەرٸ تانيتىن-بٸلەتٸن ادامدار. ەزٸرشە وسىنداي دەڭگەيدەگٸ ادامدارمەن جۇمىس ٸستەپ جاتىرمىز. ەكٸم (ەكٸمدەردٸڭ دە ەيەلدەرٸ كەلەدٸ - ەسك.).
مۇنداي ەر ازاماتتار پسيحولوگقا كەلە بەرمەيدٸ. بۇل جەردە ەيەلمەن جۇمىس ٸستەپ, مەسەلەنٸ قالاي شەشۋ كەرەك, بۇل مەسەلەدە ٶز تاراپىنان قانداي تەحنيكالار قولدانا الادى, كٷيەۋٸنە قالاي ەسەر ەتە الادى, بولماعان جاعدايدا پسيحولوگ رەتٸندە "اجىراسساڭىز ەلدەقايدا دۇرىس بولادى" دەپ كەڭەس بەرەمٸز", - دەدٸ ساراپشى.
ەرجان مىرزاباەۆ بيشٸمباەۆ سوتىنا قاتىستى دا پٸكٸر بٸلدٸردٸ.
"بيشٸمباەۆتىڭ ەرەكەتتەرٸنەن بايقاعانىم, باسىنداعى ۇستانىم مەن قازٸرگٸ ۇستانىم اراسىندا ٶزگەرٸس بولىپ جاتىر. باسىندا كٷلٸپ جاتقانىن بايقادىم. اۋديتوريياعا نە بەرگٸسٸ كەلٸپ جاتىر? "قاتتى ۋايىمدايتىنداي جاعداي ەمەس. بٸر-بٸرٸمٸزدٸ جاقسى كٶرەتٸن, كەرەمەت جۇپ ەدٸك. بٸزدە ەشقانداي مەسەلە بولعان جوق. بٸر-اق رەت بولدى, ٶكٸنٸشكە قاراي, بايقاۋسىزدا وسىنداي نەتيجەگە ۇلاستى" دەگەندٸ بەرۋگە تىرىستى. ودان كەيٸن ٶزٸن ٶتە "سپوكوينو" ۇستاۋى.
قىلمىستىڭ دەتالدارىن ايتىپ جاتقان كەزدە ول ٸستەمەگەن سيياقتى ايتىپ جاتىر. بٸرەۋ ٸستەگەن, سونى ايتىپ بەرٸپ جاتقان سيياقتى. كينودان كٶرگەنٸن ايتىپ بەرٸپ جاتقان سيياقتى. بەتٸندە ٶكٸنۋ, قايعىرۋ ەموتسيياسى جوق. ٶلتٸرٸپ جاتقان سەتتٸ ايتقان كەزدە بٸر تامشى جاس جىلاعان جوق. بۇل نەنٸ كٶرسەتەدٸ? بۇل ەمٸن-ەركٸن تٷردە مۇنى ٸستەي الاتىن قاۋٸپتٸ ادامدى كٶرسەتەدٸ. ٶزٸم سولاي تۇجىرىمدايمىن.
كەيبٸر جاعدايلاردا ايىپتاۋ تاراپىنان قويىلعان سۇراقتار, كۋەگەرلەردٸڭ جاۋاپتارى ٶزٸنە قارسى بولعان كەزدە اشۋلانعانىن بايقايمىز. بۇل - ابيۋزەردٸڭ ەرەكشەلٸگٸ. جاعداي باقىلاۋدان شىعا باستاعان كەزدە ولار اشۋلانادى", - دەدٸ مىرزاباەۆ "حالىق ٷنٸنە" بەرگەن سۇحباتىندا.
ايتا كەتەيٸك, استانا قالاسىنىڭ مامانداندىرىلعان اۋدانارالىق سوتىندا قۋاندىق بيشٸمباەۆقا قاتىستى قىلمىستىق ٸس بويىنشا بٸرنەشە سوت وتىرىسى ٶتتٸ. ونى دٷيٸم جۇرت جوعارعى سوتتىڭ YouTube كانالىنان ونلاين تاماشالادى.
ازاماتتىق نەكەدەگٸ ەيەلٸ سالتانات نٷكەنوۆانى ٶلتٸردٸ دەگەن ايىپپەن سوتتالىپ جاتقان ەكس-مينيستر قۋاندىق بيشٸمباەۆتى ادۆوكات لەيلا رامازانوۆا, نازكەن قۇسايىنوۆا, ەرلان عازىمجانوۆتار قورعاپ جاتىر.
ال مارقۇم سالتانات نٷكەنوۆانىڭ اعاسى ايتبەك امانگەلدٸ مەن ونىڭ وتباسىنىڭ ادۆوكاتتارى – جاننا ورازباحوۆا مەن ەلييا وماروۆا.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشٸمباەۆقا ەكٸ باپ بويىنشا ايىپ تاعىلدى:
- اسا قاتىگەزدٸكپەن كٸسٸ ٶلتٸرۋ (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋ);
- قيناۋ (4 جىلدان 7 جىلعا دەيٸن باس بوستاندىعىن شەكتەۋ نەمەسە وسى مەرزٸمگە باس بوستاندىعىنان ايىرۋ).
سونداي-اق, ونىڭ تۋىسى باقىتجان بايجانوۆ تا كٷدٸكتٸ رەتٸندە قاماۋعا الىندى. وعان قىلمىستىق كودەكستٸڭ ەكٸ بابى بويىنشا ايىپ تاعىلعان. ناقتىراق ايتساق, 432-بابى (اسا اۋىر قىلمىستى جاسىرىپ قالۋ); 434-بابى (اسا اۋىر قىلمىستى حابارلاماۋ).
