“پارلامەنتتەگى دەپۋتاتتار توبى ەلوردانىڭ بۇرىنعى استانا اتاۋىن قايتارۋ تۋرالى ۇسىنىس بىلدىرگەنى ءمالىم. دەپۋتاتتاردىڭ بۇل باستاماسى تۋرالى پرەزيدەنت حاباردار.

حالىق قالاۋلىلارى، ءوز كەزەگىندە تۇرعىندارمەن كەزدەسۋلەردە ايتىلعان ۇسىنىستارعا، سونداي-اق رەفەرەندۋم كەزىندە ازاماتتاردىڭ كوپتەگەن وتىنىشتەرىنە سۇيەندى. ءماجىلىس دەپۋتاتتارىنىڭ ۇسىنىسى مەملەكەت باسشىسىنىڭ كەلىسىمىمەن كونستيتۋسيالىق زاڭ جوباسىنا ەنگىزىلدى”، – دەلىنگەن جەلدىبايدىڭ جازباسىندا.

سونداي-اق، ول پرەزيدەنتتىڭ قازاقستاننىڭ قازىرگى مەملەكەتتىلىگىن نىعايتۋدا جانە ەلوردانىڭ ىرگەسىن قالاۋدا ن.ءا. نازاربايەۆتىڭ شەشۋشى ءرول اتقارعانى تاريحي فاكت دەپ سانايتىنىن ايتتى.

سوندىقتان تۇڭعىش پرەزيدەنت اتىنداعى باسقا دا نىساندار ءوز اتاۋلارىن ساقتاپ قالۋى ءتيىس، دەپ جازدى ول. 

ايتا كەتسەك، ءماجىلىس دەپۋتاتى ەدىل جاڭبىرشين “جاڭا قازاقستان” دەپۋتاتتىق توبىنىڭ اتىنان استانا اتاۋىن قايتارۋعا شاقىرعان بولاتىن.

“كونستيتۋسيامىزعا وزگەرىس ەنگىزەتىن بولساق، وندا وسى مۇمكىندىكتى پايدالانا وتىرىپ، اتا زاڭعا تاعى ءبىر اسا ماڭىزدى ماسەلەنى ەنگىزۋ كەرەك. ول – ەلوردانىڭ اتىن قايتا قايتارۋ. ادامنىڭ كوزى تىرىسىندە قالاعا ونىڭ ەسىمىن بەرگەن دۇرىس دەپ ەسەپتەمەيمىز جانە دە قالانىڭ جاڭا اتاۋىن حالىقتا قابىلدامادى. سوندىقتان تۇڭعىش پرەزيدەنتتىڭ ءوزى ۇسىنعان استانا اتاۋىن قايتا قالپىنا كەلتىرۋ تاريحي ادىلدىك بولار ەدى”، – دەگەن بولاتىن دەپۋتاتتار.

https://dalanews.kz/news/81303-duniening-dinggeni-din

https://dalanews.kz/news/81195-konstituciialyq-sot-bolashaqta-prezid

https://dalanews.kz/kogam/81206-amanat-partiiasynyng-40-kundik-auyl-amanaty