كۇنى كەشە عانا ەلوردادا ەل تاۋەلسىزدىگىنىڭ 30 جىلدىعىنا وراي اۋلا كلۋبتارى اراسىندا ۇيىمداستىرىلعان «Aula Ligasy» فۋتبول ءتۋرنيرى ءبىزدىڭ جوعارىداعى سوزىمىزگە دالەل بولادى. قالا اكىمىنىڭ كۋبوگى ءۇشىن وتكەن جارىسقا ءتورت اۋداننان 1500-گە جۋىق بالا قاتىسقان.
ەستەرىڭىزگە سالا كەتەيىك، فۋتبولدان «Aula Ligasy» ءتۋرنيرى ەلوردادا 19 ماۋسىمدا باستالعان بولاتىن. جارىس قالانىڭ 40 فۋتبول الاڭىندا ءوتىپ، وعان 135 كوماندا قاتىسقانىن ايتا كەتۋىمىز كەرەك.
فينالدىق ويىندار جاقىندا «استانا ارەنا» ستاديونىندا ءوتتى. تۋرنير قورىتىندىسى بويىنشا اقتىق سىنعا ءار اۋداننىڭ 8 ۇزدىك كومانداسى شىعىپ، ب ا ق سىنادى. ولاردىڭ اراسىندا نۇر-سۇلتان قالاسى اكىمىنىڭ كۋبوگى ساراپقا سالىندى.
جەڭىمپازدار مەن جۇلدەگەرلەردى ماراپاتتاۋ راسىمىنە نۇر-سۇلتان قالاسى اكىمىنىڭ ورىنباسارى اسحات ورالوۆ، دەنە شىنىقتىرۋ جانە سپورت باسقارماسىنىڭ باسشىسى سامات ەرعالييەۆ جانە №8 وليمپيادالىق رەزەرۆتەگى مامانداندىرىلعان بالالار-جاسوسپىرىمدەر سپورت مەكتەبىنىڭ ديرەكتورى سامات جىلقىبايەۆ قاتىستى.
بايقوڭىر اۋدانىنىڭ «Baikonur Team» كومانداسى «Aula Ligasy» ءتۋرنيرىنىڭ چەمپيونى اتاندى. جۇلدەلى ەكىنشى ورىندى ەسىل اۋدانىنىڭ «جاعالاۋ» كومانداسى يەلەنسە، ۇزدىك ۇشتىكتى ەسىل اۋدانىنىڭ «سەنىم» ۇجىمى تۇيىندەدى.
تۋرنير بارىسىندا ۇزدىك ويىنىمەن كوزگە تۇسكەن قاتىسۋشىلار بىرنەشە نوميناسيا بويىنشا ماراپاتتالدى. سونىمەن جارىس بارسىندا «ۇزدىك ويىنشى» – ءنۇرالي سادىقوۆ، «ۇزدىك شابۋىلشى» – نازار ءسابيت ۇلى، «ۇزدىك قورعاۋشى» – بەكزات ابەن، «ۇزدىك قاقپاشى» – نۇرسۇلتان سۇلتانعازى تانىلدى.
جەڭىمپازدارعا كۋبوكتار، مەدالدار مەن ديپلومدار، سونداي-اق سپورتتىق فورما جانە جارىس دەمەۋشىسىنىڭ سەرتيفيكاتتارى تاپسىرىلدى. تۋرنير سانيتارلىق نورمالار مەن كارانتين تالاپتارعا ساي وتكەنىن ايتا كەتۋىمىز كەرەك.
ال ەلورداداعى وتان قورعاۋشىلار الاڭىندا ەل تاۋەلسىزدىگىنىڭ 30 جىلدىعىنا ارنالعان ستريتبولدان «Nur-Sultan CUP» ءتۋرنيرىنىڭ فينال ويىندارى مەن ماراپاتتاۋ ءراسىمى ءوتتى. تۋرنيرگە ەر بالالار مەن قىزداردان قۇرالعان 35 كوماندا قاتىستى.
ستريتبول جارىسىنىڭ ءبىرىنشى كەزەڭى وسى جىلدىڭ 19 ماۋسىمىندا الماتى اۋدانىنداعى پرەزيدەنتتىك ساياباقتا باستالعان بولاتىن. بىرىنشىلىك ويىندارى تەك دەمالىس كۇندەرى، نۇر-سۇلتان قالاسىنىڭ 4 اۋدانىندا بەلگىلەنگەن ۋاقىتتا «ASHYQ» قوسىمشاسى ارقىلى ءوتتى.
ويىنعا ۇلدار مەن قىزداردان قۇرالعان 110 كوماندا قاتىستى. ءتورت ويىنشىدان تۇراتىن كوماندالار U-16، U-18 ەكى ساناتىندا جارىستى. ءىس-شارا سوڭىندا جەڭىمپازدار مەدالدارمەن، ديپلومدارمەن، كۋبوكتارمەن جانە ارنايى ستريتبول فورمالارىمەن ماراپاتتالدى.
جارىس قورىتىندىسى:
قىزدار U-16 كاتەگورياسى بويىنشا:
1 ورىن – «بيزەشكين» كومانداسى؛
2 ورىن – «تاميريس» كومانداسى؛
3 ورىن – «سديۋشور №5» كومانداسى؛
ۇزدىك ويىنشى نوميناسياسى – اننا كوچۋرا.
قىزدار U-18 كاتەگورياسى بويىنشا:
1 ورىن – «تايگەرس» كومانداسى؛
2 ورىن – «سديۋشوريۋ№5» كومانداسى؛
3 ورىن – «استانا» كومانداسى؛
ۇزدىك ويىنشى نوميناسياسى – ماليكا سالييەۆا.
ۇلدار U-16 كاتەگورياسى بويىنشا:
1 ورىن – «№52» كومانداسى؛
2 ورىن – «شاراشكينا كانتورا» كومانداسى؛
3 ورىن – «№38» كومانداسى؛
ۇزدىك ويىنشى نوميناسياسى – تۋردييەۆ.
ەراسىل ۇلدار U-18 كاتەگورياسى بويىنشا:
1 ورىن – «Street Beabers» كومانداسى؛
2 ورىن – «3nd» كومانداسى؛
3 ورىن – «كوليزەي» كومانداسى؛
ۇزدىك ويىنشى نوميناسياسى – يسا سۇلتانبەيبارىس.
