ەلوردادا وتكەن ەرەكشە درون-شوۋعا ونداعان مىڭ كورەرمەن جينالدى. 20 مينۋتقا سوزىلعان مەرەكەلىك باعدارلاما بارىسىندا اسپاندا زاڭ، ءتارتىپ جانە قاۋىپسىزدىك تاقىرىبىنا ارنالعان ءتۇرلى-تۇستى جارىق كومپوزيسيالار بەينەلەندى،- دەپ حابارلايدى Dalanews.kz

شوۋعا 550 درون قاتىستى. بۇل كورىنىس قازاقستان پوليسياسى كۇنىنە ارنالعان كەڭ اۋقىمدى ءىس-شارالار باعدارلاماسىنىڭ ءبىر بولىگى بولدى.

ەسكە سالا كەتەيىك، استانادا «زاڭ جانە ءتارتىپ» قاعيداتى جۇزەگە اسىرىلىپ جاتىر. ونىڭ اياسىندا ءتۇرلى شارالار – اكسيالار، رەيدتەر، تۇرعىندارمەن كەزدەسۋلەر، پروفيلاكتيكالىق دارىستەر وتكىزىلەدى.

يگى باستامانىڭ باستى ماقساتى – حالىق اراسىندا قۇقىقتىق مادەنيەتتى نىعايتۋ جانە زاڭعا باعىنۋ قۇندىلىقتارىن دارىپتەۋ.