ەلوردادا 1 قىركۇيەكتەن 1 قاراشاعا دەيىن حالىقتى العاشقى مەديسينالىق-سانيتاريالىق كومەك (بمسك) ۇيىمدارىنا تىركەۋ ناۋقانى وتەدى. بۇل ءار تۇرعىنعا ءبىر اكىمشىلىك-اۋماقتىق بىرلىك شەگىندە (جاياۋ جەتۋ قاشىقتىعىندا) پوليكلينيكانى ەركىن تاڭداۋ قۇقىعىن قامتاماسىز ەتۋ جانە مەديسينالىق ۇيىمدارعا رەسۋرستاردى الدىن الا جوسپارلاپ، كەلەسى جىلى تىركەلگەن حالىققا ساپالى قىزمەت كورسەتۋ ءۇشىن جۇرگىزىلەدى،- دەپ حابارلايدى Dalanews.kz
تىركەۋ حالىققا تەگىن مەديسينالىق كومەكتىڭ كەپىلدىك بەرىلگەن كولەمى (تمككك) جانە مىندەتتى الەۋمەتتىك مەديسينالىق ساقتاندىرۋ (ءمامس) جۇيەسى اياسىندا قىزمەتتەرگە قول جەتكىزۋدى قامتاماسىز ەتەدى.
ازاماتتار ەمحاناعا تىركەلۋىن ەلەكتروندىق ۇكىمەت پورتالى eGov.kz ارقىلى نەمەسە قالالىق iKomek 109 قولداۋ قىزمەتى ارقىلى تەكسەرە الادى.
تىركەلۋگە قۇقىعى بارلار:
• قازاقستان رەسپۋبليكاسىنىڭ ازاماتتارى، قانداستار، بوسقىندار جانە تۇرۋعا ىقتيارحاتى بار شەتەلدىكتەر – تمككك جانە ءمامس اياسىندا مەديسينالىق كومەك الۋعا قۇقىلى؛
• ۋاقىتشا كەلگەن شەتەلدىكتەر مەن ازاماتتىعى جوق ادامدار – ەرىكتى (ەمس) نەمەسە مىندەتتى مەديسينالىق ساقتاندىرۋ (ممس) شارتى/ءپوليسى نەگىزىندە نە زاڭ تالاپتارىنا سايكەس؛
• ەاەو ەلدەرىنەن (رەسەي، بەلارۋس، قىرعىزستان، ارمەنيا) كەلگەن ەڭبەك ميگرانتتارى جانە ولاردىڭ وتباسىلارى – ەمس/ممس بولعان جاعدايدا؛
• 18 جاستان اسقان ستۋدەنتتەر – ءوز بەتىنشە تىركەلەدى؛
• كامەلەتكە تولماعاندار – زاڭدى وكىلدەرىنىڭ (اتا-انالار، قورعانشىلار، قامقورشىلار) ءوتىنىشى بويىنشا؛
• جۇكتى ايەلدەر مەن 5 جاسقا دەيىنگى بالالار – ناقتى تۇراتىن جەرى بويىنشا امسك ۇيىمدارىنا تىركەلەدى؛
• زەينەتكەرلەر مەن مۇگەدەكتىگى بار ادامدار – تىكەلەي ەمحانادا ءوتىنىش بەرە الادى؛
• بالا كەزىنەن مۇگەدەكتەردىڭ زاڭدى وكىلدەرى، پاتروناتتىق تاربيەلەنۋشىلەر – راستايتىن قۇجاتتار نەگىزىندە؛
• مەرزىمدى اسكەري قىزمەتتەگىلەر – ديسلوكاسيا ورنى بويىنشا، سوتتالعاندار – جازاسىن وتەۋ ورنى بويىنشا.
تىركەلۋ ءتارتىبى:
1. eGov.kz پورتالى ارقىلى. اۆتوريزاسيادان ءوتىپ، ەلەكتروندىق ءوتىنىم تولتىرىڭىز. ناتيجە نەمەسە دالەلدى باس تارتۋ 1 جۇمىس كۇنى ىشىندە جەكە كابينەتكە جىبەرىلەدى.
2. تاڭدالعان ەمحانادا جەكە ءوزى. جەكە كۋالىكتى كورسەتىپ، ۇيىم باسشىسىنىڭ اتىنا ءوتىنىش تولتىرىلادى.
3. حالىققا قىزمەت كورسەتۋ ورتالىقتارى (حقكو) ارقىلى.
ماڭىزدى: تىركەلۋ جسن بويىنشا جانە تەك ءبىر عانا بمسك ۇيىمىنا جۇرگىزىلەدى. ەگەر ءسىز ەمحاناڭىزدى وزگەرتپەسەڭىز، جاڭا ءوتىنىم بەرۋدىڭ قاجەتى جوق: قازىرگى ۇيىمىڭىزدا تىركەۋدە قالا بەرەسىز.
ناۋقان بارىسىندا تىركەلگەن تۇلعالار تاڭدالعان مەديسينالىق ۇيىمنان قىزمەتتى 2026 جىلعى 1 قاڭتاردان باستاپ الا باستايدى. وسى جىلدىڭ سوڭىنا دەيىن قىزمەت بۇرىنعى ەمحانادا جالعاسادى.
تىركەۋدەن باس تارتۋ نەگىزدەرى:
• دۇرىس ەمەس دەرەكتەردىڭ بەرىلۋى؛
• ءبىر جالپى تاجىريبە دارىگەرىنە، ۋچاسكەلىك تەراپيەۆتكە نەمەسە ۋچاسكەلىك پەدياترعا تىركەلگەن پاسيەنتتەردىڭ رۇقسات ەتىلگەن سانىنان اسىپ كەتۋ؛
• بالالارعا نەمەسە قامقورلىقتاعى ادامدارعا قاتىستى زاڭدى وكىلدىكتى راستايتىن قۇجاتتاردىڭ بولماۋى؛
• جەكە دەرەكتەرگە شەكتەۋلى قولجەتىمدىلىككە كەلىسىمنىڭ بولماۋى.
قوسىمشا تۇسىنىكتەمەلەر الۋعا بولادى:
• ەمحاناڭىزدىڭ تىركەۋ بولىمىنەن؛
• استانا قالاسىنىڭ قوعامدىق دەنساۋلىق ساقتاۋ باسقارماسىنان؛
• 1414 بايلانىس ورتالىعى، Qoldau 24/7 ءموبيلدى قوسىمشاسى، fms.kz سايتى، Telegram-داعى SaqtandyryBot؛
• iKomek 109 قالالىق قولداۋ قىزمەتى.
