جاڭا قۇرىلىستاردىڭ قۋاتى 40 مىڭ تەكشە مەتردى قۇرايدى، بۇل نوسەر كاناليزاسياسىنىڭ وتكىزۋ قابىلەتىن ايتارلىقتاي جاقسارتۋعا مۇمكىندىك بەرەدى. سونىمەن قاتار بوگەتسىز جيناۋدى، جەر ءۇستى اعىندارىن بۇرۋدى جانە تازارتۋدى قامتاماسىز ەتەدى.
ءقازىر جۇمىس ىستەپ تۇرعان جيناعىش توعاندى قۇرعاتۋ جۇمىستارى اياقتالىپ، جەر استى تازارتۋ قۇرىلىسىنىڭ قۇرىلىسى باستالدى.
تازارتۋ قۇرىلىستارى تاشەنوۆ، بارايەۆ، ءۋاليحانوۆ، يمانبايەۆ جانە رەسپۋبليكا داڭعىلدارىنىڭ سۋ باسۋىن بولدىرماۋعا مۇمكىندىك بەرەدى. تازالاۋ قۇرىلىسى جەر استىندا ورنالاسقاندىقتان، قۇرىلىس الاڭىنىڭ ءۇستى اباتتاندىرىلىپ، تىنىمباق ورناتۋ قاراستىرىلعان. قۇرىلىستى 2021 جىلعا قاراي اياقتاۋ جوسپارلانىپ وتىر. بۇگىنگى تاڭدا ەلوردانىڭ جاۋىن-شاشىندىق كارىزدىك جۇيەسى 14 تازارتۋ قۇرىلعىدان، 3 جيناقتاعىش توعاننان تۇرادى.
