وتىرىستا استانا قالاسى كاسىپكەرلەر پالاتاسى الاڭىندا استانا قالاسى كاسىپكەرلەر پالاتاسىنىڭ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەس ءتوراعاسى يراك ەلەكەيەۆ پەن پالاتا ديرەكتورى جانە مەملەكەتتىك ورگاندار مەن قالا پروكۋراتۋراسىنىڭ وكىلدەرى قاتىستى.
ەلوردالىق كاسىپكەرلەر بيزنەس-ومبۋدسمەنگە بيزنەستىڭ جەكەلەگەن تۇرلەرىن ودان ءارى دامىتۋ ءۇشىن شەشۋى قاجەت جەكە جانە جۇيەلى پروبلەمالار تۋرالى ايتىپ بەردى.
بۇگىندە بيزنەس-ومبۋدسمەن ينستيتۋتىنىڭ جۇمىسىن «اتامەكەن» ۇلتتىق كاسىپكەرلەر پالاتاسى تولىق قامتاماسىز ەتىپ كەلەدى. استانا قالاسىندا بيزنەس-ومبۋدسمەن ينستيتۋتىنىڭ وڭىرلىك دەڭگەيدەگى بولىمشە تابىستى جۇمىس ىستەۋدە.
بيزنەس-ومبۋدسمەن ينستيتۋتى قالاداعى كاسىپكەرلەردىڭ مۇددەلەرىن قورعاۋ ءۇشىن قولدا بار رەسۋرستاردى ۇتىمدى جانە ءتيىمدى پايدالانۋدا.
– بىزدە ناقتى مىندەت بولدى، ول – كاسىپكەرلەردىڭ قۇقىقتارى مەن مۇددەلەرىن قورعاۋ. بۇل، ەڭ الدىمەن، بيزنەستىڭ دامۋىنا كەدەرگى كەلتىرەتىن توسقاۋىلدار، باسەكەلەستىكتى جانە وتاندىق بيزنەستى دامىتۋعا كەدەرگى كەلتىرەتىن بارلىق رۇقسات بەرۋ، ليسەنزياعا قاتىستى كەدەرگىلەر مەن سىبايلاس جەمقورلىق تاۋەكەلدەرىن الدىن الۋعا تىرسىپ، كاسىپكەرلەرگە قولداۋ ءبىلدىرىپ كەلەمىز، – دەدى كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەس ءتوراعاسى يراك ەلەكەيەۆ.
سونداي-اق، باسقوسۋدا بۇدان باسقا ينكليۋزيۆتى ءبىلىم بەرۋ، ەرەكشە ءبىلىم بەرۋدى قاجەت ەتەتىن ەرەسەك ستۋدەنتتەرگە ارنالعان ينۆاتاكسي قىزمەتى، اقىلى اۆتوتۇراقتاردى قۇرۋ ماسەلەلەرى دە كوتەرىلدى.
ەلوردادا ينۆاتاكسي كولىگىنىڭ سانى ارتىپ، مۇمكىندىگى شەكتەۋلى جانداردىڭ اياعىن ۇزاتتى دەسەك بولادى. بۇل باعىتتا ەڭبەك ەتىپ جۇرگەن كاسىپكەرلەردىڭ ەڭبەگى زور.
– بۇگىندە استانا قالاسى اكىمدىگى ەرەكشە قاجەتتىلىگى بار ادامدارعا قولداۋ كورسەتۋگە ەرەكشە كوڭىل بولىنۋدە. سوڭعى ۋاقىتتارى قالادا ينۆاتاكسيدىڭ سانى ەكى ەسە وسكەنىن اتاپ ايتۋعا بولادى. الداعى ۋاقىتتا دا قولداۋ كورسەتىپ، قاجەتتى شارالار قابىلدايتىن بولامىز، – دەدى اكىمدىك وكىلى.
ەلوردادا ەرەكشە قاجەتتىلىگى بار 27 مىڭ ادام تۇرادى، ونىڭ 5،5 مىڭى بالالار. قالادا ەكى وڭالتۋ ورتالىعى سالىنادى، ءقازىر يپپوتەراپيامەن اينالىسۋعا ارنالعان ات سپورتى كەشەنىنىڭ قۇرىلىسى جۇرگىزىلىپ جاتىر.
