تسيفرلىق دامۋ, يننوۆاتسييالار جەنە اەروعارىش ٶنەركەسٸبٸنٸڭ بٸرٸنشٸ ۆيتسە-مينيسترٸ قانىش تٶلەۋشين ٷكٸمەت وتىرىسىندا تسيفرلاندىرۋ زەينەتاقىنى رەسٸمدەۋ رەسٸمٸن قالاي جەڭٸلدەتە الاتىنىن ايتتى, دەپ حابارلايدى Dalanews.kz.
قانىش تٶلەۋشين ەلٸمٸزدە زەينەتاقىنى ەلەكتروندىق فورماتتا رەسٸمدەۋ جوباسىنىڭ پيلوتتىق رەجيمدە ٸسكە اسىرىلىپ جاتقانىن جەتكٸزدٸ.
"بۇعان دەيٸن زەينەتاقى تاعايىنداۋ پروتسەسٸ ازاماتتاردىڭ جەكە قاتىسۋىن تالاپ ەتٸپ, تٶلەمدەردٸ الۋ ٷشٸن بٸرقاتار قۇجاتتاردى جيناپ, ەڭبەك ٶتٸلٸن راستاۋ قاجەت بولاتىن. سونىمەن قاتار, دەرەكتەردٸ قاعاز جٷزٸندە ٶڭدەۋ ۋاقىتتى الىپ, كەزەكتەر تۋدىراتىن ەرٸ زەينەتاقىنى قولمەن ەسەپتەۋ كەزٸندە قاتەلٸكتەرگە جول بەرۋ قاۋپٸن ارتتىراتىن. بٷگٸندە پيلوتتىق رەجيمدە تٷبەگەيلٸ جاڭا تەسٸل ەنگٸزٸلدٸ. جاسى بويىنشا سكورينگ نەگٸزٸندە جٷيە زەينەتاقى ٸسٸن اۆتوماتتى تٷردە قالىپتاستىرادى, ەڭبەك ٶتٸلٸ تۋرالى مەلٸمەتتەردٸ تەكسەرەدٸ جەنە ازامات تاراپىنان ٶتٸنٸش تٷسپەستەن تٶلەمدەردٸ بەلسەندٸ تٷردە تاعايىندايدى", – دەيدٸ ۆيتسە-مينيستر.
ونىڭ ايتۋىنشا, مۇنداي تەسٸل قىزمەت كٶرسەتۋ مەرزٸمٸن 10-نان 1 كٷنگە دەيٸن قىسقارتۋعا, رەسٸمدٸك قادامدار سانىن 6-دان 1-گە دەيٸن ازايتۋعا جەنە ازاماتتار ٷشٸن پروتسەستٸ ايتارلىقتاي جەڭٸلدەتۋگە مٷمكٸندٸك بەرەدٸ. وسىعان بايلانىستى ول ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە جوبانى ماسشتابتاۋدى قاراستىرۋدى ۇسىنادى.
