قازاقستاندا ٷش جاستان اسقان تۇرعىنداردىڭ جارتىسىنا جۋىعى سپورت پەن دەنە بەلسەندٸلٸگٸنە تۇراقتى تٷردە ۋاقىت بٶلەدٸ. بۇل تۋرالى 12 مىڭ ٷي شارۋاشىلىعىن قامتىعان ساۋالناما قورىتىندىسىندا ايتىلدى, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, تۇرعىنداردىڭ باسىم بٶلٸگٸ وقۋ ورىندارىنداعى دەنە شىنىقتىرۋ ساباقتارىندا سپورتپەن شۇعىلدانادى نەمەسە بوس ۋاقىتىندا ٶز بەتٸنشە جاتتىعادى. ال فيتنەس-كلۋبتار مەن ارنايى سپورت سەكتسييالارىنا باراتىنداردىڭ ٷلەسٸ ٶڭٸرگە قاراي ەرەكشەلەنەدٸ.
ٶزدٸگٸنەن جاتتىعاتىندار اراسىندا 36–48 جاس ارالىعىنداعى ازاماتتار بەلسەندٸلٸك تانىتقان. بۇل جاستاعى تۇرعىندار كٶبٸنە جٷگٸرۋ, دەنە جاتتىعۋلارى جەنە باسقا دا قولجەتٸمدٸ سپورت تٷرلەرٸن تاڭدايدى.
شىعىس قازاقستان جەنە پاۆلودار وبلىستارىندا ٶز بەتٸنشە سپورتپەن اينالىساتىن ەيەلدەردٸڭ ٷلەسٸ جوعارى. پاۆلودار وبلىسىندا ۇيىمداستىرىلعان سپورت سەكتسييالارى مەن فيتنەس-كلۋبتارعا سۇرانىس تا ايتارلىقتاي.
ۇلىتاۋ وبلىسىندا سپورت سەكتسييالارىنا كٶبٸنە جاستار مەن ەر ادامدار بارادى. قاراعاندى وبلىسى مەن استانا تۇرعىندارى فيتنەس-زالداعى جاتتىعۋلاردى ٶزدٸگٸنەن شۇعىلدانۋمەن قاتار الىپ جٷرەدٸ. ەلوردا ٶز بەتٸنشە جاتتىعاتىن ەيەلدەر سانى بويىنشا الدىڭعى قاتاردا تۇر.
جالپى, قازاقستاندا ەرلەر مەن ەيەلدەردٸڭ سپورتتىق بەلسەندٸلٸگٸ شامالاس. الايدا تۇرعىلىقتى جەرٸنە بايلانىستى ايىرماشىلىق بار. قالالاردا ەيەلدەر ەرلەرگە قاراعاندا ٶزدٸگٸنەن جاتتىعۋدى جيٸ تاڭداسا, اۋىلدىق جەرلەردە, كەرٸسٸنشە, ەر ادامداردىڭ بەلسەندٸلٸگٸ جوعارى.
