Qazaqstanda úsh jastan asqan turǵyndardyń jartysyna jýyǵy sport pen dene belsendiligine turaqty túrde ýaqyt bóledi. Bul týraly 12 myń úi sharýashylyǵyn qamtyǵan saýalnama qorytyndysynda aityldy, dep habarlaidy dalanews.kz.
Ulttyq statistika biýrosynyń málimetinshe, turǵyndardyń basym bóligi oqý oryndaryndaǵy dene shynyqtyrý sabaqtarynda sportpen shuǵyldanady nemese bos ýaqytynda óz betinshe jattyǵady. Al fitnes-klýbtar men arnaiy sport sektsiialaryna baratyndardyń úlesi óńirge qarai erekshelenedi.
Ózdiginen jattyǵatyndar arasynda 36–48 jas aralyǵyndaǵy azamattar belsendilik tanytqan. Bul jastaǵy turǵyndar kóbine júgirý, dene jattyǵýlary jáne basqa da qoljetimdi sport túrlerin tańdaidy.
Shyǵys Qazaqstan jáne Pavlodar oblystarynda óz betinshe sportpen ainalysatyn áielderdiń úlesi joǵary. Pavlodar oblysynda uiymdastyrylǵan sport sektsiialary men fitnes-klýbtarǵa suranys ta aitarlyqtai.
Ulytaý oblysynda sport sektsiialaryna kóbine jastar men er adamdar barady. Qaraǵandy oblysy men Astana turǵyndary fitnes-zaldaǵy jattyǵýlardy ózdiginen shuǵyldanýmen qatar alyp júredi. Elorda óz betinshe jattyǵatyn áielder sany boiynsha aldyńǵy qatarda tur.
Jalpy, Qazaqstanda erler men áielderdiń sporttyq belsendiligi shamalas. Alaida turǵylyqty jerine bailanysty aiyrmashylyq bar. Qalalarda áielder erlerge qaraǵanda ózdiginen jattyǵýdy jii tańdasa, aýyldyq jerlerde, kerisinshe, er adamdardyń belsendiligi joǵary.
