ەلٸمٸزدە جۇمىسپەن قامتىلعان حالىقتىڭ سانى 39 پايىزعا ٶستٸ
جۇمىسپەن قامتىلعانداردىڭ نەگٸزگٸ ٷلەسٸ قالالىق ەلدٸمەكەندەردە – جۇمىسپەن قامتىلعان حالىقتىڭ 62,5% نەمەسە 5,7 ميلليوننان استامى. 2009 جىلى قالالارداعى جۇمىسپەن قامتىلعان حالىقتىڭ ٷلەسٸ 55,3% نەمەسە 3,6 ملن ادامدى قۇراعان. جاس توبى بويىنشا جۇمىسپەن قامتىلعانداردىڭ ەڭ كٶپ سانى 30-34 جاس ارالىعىندا – 1 450 مىڭ ادام.
2009 جىلعى ساناق قورىتىندىسىمەن سالىستىرعاندا 2021 جىلى جوعارى بٸلٸمٸ بار حالىقتىڭ جۇمىسپەن قامتىلۋ ٷلەسٸ 27,1%-دان 30,8%-عا دەيٸن ارتتى. جۇمىسپەن قامتۋداعى ەيەلدەردٸڭ ٷلەسٸ 2009 جىلعى 45%-دان 2021 جىلى 48%-عا دەيٸن نەمەسە 1,4 ملن ادامعا ارتتى.
سالالار بٶلٸنٸسٸندە جۇمىسپەن قامتىلعانداردىڭ ەڭ كٶپ سانى اۋىل شارۋاشىلىعىندا – 1,41 ملن ادام نەمەسە جۇمىسپەن قامتىلعان حالىقتىڭ 15,3% (17,9% – 2009 جىلى). ودان كەيٸن كٶتەرمە جەنە بٶلشەك ساۋدا – 1,35 ملن ادام نەمەسە 14,7% (12,9% – 2009 جىلى). جۇمىسپەن قامتۋ بويىنشا ٷشٸنشٸ ورىندى ٶنەركەسٸپ سالاسى الادى – 1 ملن ادام نەمەسە 11,1% (11,5% – 2009 جىلى).
بارلىق جۇمىسپەن قامتىلعان حالىقتىڭ ٸشٸندە ەرلەردٸڭ ەڭ كٶپ ٷلەسٸ نەمەسە 17% اۋىل شارۋاشىلىعىندا, ال ەيەلدەر بويىنشا نەگٸزٸنەن ساۋدا سالاسىندا – 16%.
ايتا كەتەيٸك, الماتى, شىعىس قازاقستان, قاراعاندى وبلىستارى بويىنشا دەرەكتەر ساناق ٶتكەن ۋاقىتقا, ياعني ولار بٶلٸنگەنگە دەيٸن بەرٸلگەن. بۇل رەتتە جاڭادان قۇرىلعان وبلىستارداعى حالىق سانى ساناق دەرەكتەرٸن ەسكەرە وتىرىپ قايتا ەسەپتەلگەن جەنە stat.gov.kz سايتىندا جارييالانعان.
