2024 جىلدىڭ قورىتىندىسى بويىنشا مەملەكەتتٸك ەڭبەك ينسپەكتورلارى رەسپۋبليكانىڭ 296 كەسٸپورنى 18,8 مىڭ جۇمىسكەرگە 4,5 ملرد تەڭگەگە جالاقى بويىنشا بەرەشەك ەكەنٸن انىقتادى. سونىمەن بٸرگە تٷرلٸ ۇيىمداردا جٷرگٸزٸلگەن تەكسەرۋلەر بارىسىندا 8,1 مىڭ ەڭبەك قۇقىعىنىڭ بۇزىلۋى انىقتالدى, دەپ جازادى Dalanews.kz.
قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ باسپاسٶز قىزمەتٸنٸڭ حابارلاۋىنشا, جالاقى بويىنشا بەرەشەگٸ بار كەسٸپورىنداردىڭ باسشىلارىنا ورىنداۋعا مٸندەتتٸ 251 ۇيعارىم بەرٸلدٸ جەنە 51 ملن تەڭگەدەن استام سوماعا ايىپپۇل سالىندى.
"قابىلدانعان شارالاردىڭ, ونىڭ ٸشٸندە جالاقى بويىنشا بەرەشەكتٸ ٶتەۋدٸڭ قاتاڭ كەستەلەرٸ مەن مەرزٸمدەرٸن بەلگٸلەۋدٸڭ نەتيجەسٸندە 17,7 مىڭنان استام جۇمىسكەردٸڭ قۇقىقتارى قورعالدى. ولارعا 3,7 ملرد تەڭگە تٶلەندٸ", دەلٸنەدٸ مينيسترلٸك حابارلاماسىندا.
بۇدان باسقا, ەڭبەك زاڭناماسىنىڭ ساقتالۋىنا مەملەكەتتٸك باقىلاۋدى قامتاماسىز ەتۋ مەسەلەلەرٸ قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ەرەكشە باقىلاۋىندا.
2024 جىلى مەملەكەتتٸك ەڭبەك ينسپەكتورلارى 5 577 تەكسەرۋ جٷرگٸزدٸ, ونىڭ بارىسىندا 8 122 بۇزۋشىلىق انىقتالدى, ونىڭ ٸشٸندە:
- ەڭبەك سالاسىندا – 6 219;
- ەڭبەك قاۋٸپسٸزدٸگٸ جەنە ەڭبەكتٸ قورعاۋ بويىنشا – 1 835;
- حالىقتى جۇمىسپەن قامتۋ بويىنشا – 68.
جۇمىس بەرۋشٸلەرگە 3 326 ۇيعارىم بەرٸلٸپ, 408,5 ملن تەڭگە سوماسىنا 3 548 ەكٸمشٸلٸك ايىپپۇل سالىندى. قابىلدانعان شارالاردىڭ نەتيجەسٸندە 36,4 مىڭنان اسا جۇمىسكەردٸڭ ەڭبەك قۇقىعى قورعالدى.
