قازاقستاندىق تەننيسشى ەلەنا رىباكينا قىتايداعى نينبو وپەن ءتۋرنيرىنىڭ كۋبوگىن جەڭىپ الدى، دەپ حابارلايدى Dalanews.kz.
فينالدا قازاقستاننىڭ ءبىرىنشى راكەتكاسى جانە الەمدىك رەيتينگتىڭ 9- ورىنداعى ويىنشىسى ەلەنا رىباكينا رەيتينگتە 10-ورىندا تۇرعان رەسەيلىك ەكاتەرينا الەكساندروۆادان باسىم ءتۇستى. ويىن ءۇش سەتكە سوزىلىپ، 6:3، 0:6، 2:6 ەسەبىمەن ەلەنانىڭ پايداسىنا اياقتالدى.
ايتا كەتەيىك، قىتايداعى نينبو وپەن ءتۋرنيرىنىڭ جۇلدە قورى 1 ميلليون 64 مىڭ 510 دوللاردى قۇرايدى. ال تۋرنير جەڭىمپازى ەلەنا رىباكينا جەكە ءوزى 164 مىڭ دوللار (88 ميلليون 474 مىڭ تەڭگە) الدى.
سونداي- اق، قازاقستاندىق سپورتشى WTA تۋرنيرلەرىندەگى 10-شى تيتۋلىن جەڭىپ الدى (ونىڭ ىشىندە ەكى WTA 1000 تروفەيى جانە ءبىر «ۇلكەن دۋلىعا- ۋيمبلدون بار). ول بۇل كورسەتكىشكە جەكەلەي سىندا جەتكەن العاشقى قازاقستاندىق تەنينيسشى اتاندى.
