جۋىردا تانىمال قايىرىمدىلىق قوردىڭ جەتەكشٸسٸ ٸليياس ساريەۆ ۇستالعانى تۋرالى اقپارات تارادى. جۋرناليست رۋسلان ٶتەپباي جاڭا دەرەكتٸ بٶلٸستٸ, - دەپ حابارلايدى Dalanews.kz.
وسى ٸستە اقتوتى ەسٸمدٸ تاعى بٸر ادام اتالدى.
"كٷدٸكتٸ اقتوتى دٷيسەەۆاعا قاتىستى 2 (ەكٸ) اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسىنا سانكتسييا بەرٸلدٸ. ول دەگەنٸمٸز اقتوتى تەرگەۋ امالدارى كەزٸندە بوستاندىقتا شالقىپ جٷرمەيدٸ, سوتتى "سيزو"-دا كٷتەدٸ دەگەن سٶز. ەلدٸڭ اقشاسى قايدا? مۇنى قۇزىرلى ورگان انىقتايدى دەپ ويلايمىن… 3 ايدان بەرٸ جٸتٸ نازارىمدا بولعان ٸليياس پەن اقتوتىنىڭ ٸسٸ تاياۋ كٷندەرٸ سوتقا جولدانادى", - دەدٸ جۋرناليست.
بلوگەر نەلٸكتەن ۇستالدى?
"ەلگە كٶمەك بەر" قايىرىمدىلىق قورىنىڭ جەتەكشٸسٸ ٸليياس ساريەۆ ۇستالعانىن العاشىندا زاڭگەر نۇرسۇلتان ورىنبەكوۆ مەلٸمدەدٸ. ونىڭ سٶزٸنشە, جۇرتتان ساريەۆتٸڭ ٷستٸنە ارىز تٷسكەن.
"قازاق روبين گۋد ٸليياس ساريەۆ الاياقتىق بابى بويىنشا ۇستالدى. الماتىدان وسىنداي حابار كەلدٸ. بٸرنەشە ادامنان الاياقتىق ەرەكەتٸ بويىنشا ارىز تٷسكەن ەدٸ. قازٸر سول بويىنشا ۇستالعانى بەلگٸلٸ بولدى. الدانعاندار بولسا, الماتى ٸٸد-نە ارىزدانساڭىزدار بولادى", - دەدٸ ول.
ارتىنشا Dalanews.kz الماتى پوليتسييا دەپارتامەنتٸنە ساۋال جولداپ, رەسمي اقپارات تا الدى.
"المالى اۋداندىق پب-نا قاراستى پوليتسييا بٶلٸمٸ الاياقتىق دەرەگٸ بويىنشا قىلمىستىق ٸس قوزعادى. جان-جاقتى جەنە وبەكتيۆتٸ تەرگەۋگە باعىتتالعان تەرگەۋ شارالارى جٷرگٸزٸلٸپ جاتىر. ولاردىڭ قورىتىندىسى بويىنشا پروتسەسسۋالدىق شەشٸم قابىلدانادى", - دەپ جازىلعان الماتى پوليتسييا دەپارتامەنتٸنٸڭ بۇعان دەيٸنگٸ جاۋابىندا.
