وسىنداي تاقىرىپپەن وتىرار مەملەكەتتىك ارحەولوگيالىق قورىق-مۇراجايىندا دوڭگەلەك ۇستەل ۇيىمداستىرىلدى. قوناقتار الدىمەن مۋزەي مەن اۋداندىق ورتالىق كىتاپحانانىڭ ۇيىتقى بولۋىمەن قويىلعان «ەلباسى – ۇلت كوشباسشىسى» اتتى كورمەنى تاماشالادى. شارا بارىسىندا اۋدان اكىمى ەرلان ايتاحانوۆ، ادەبيەتشى ساعىندىق قىدىر، تاريحشى بەكجان بەيسەنباي جانە مۋزەي قىزمەتكەرلەرى ءسوز الىپ ەلباسىنىڭ ەل بىرلىگى، ۇلتتار تاتۋلىعى جولىندا سىڭىرگەن ەڭبەكتەرى جايىندا كەڭىنەن اڭگىمەلەدى.
سونداي-اق، «اقبول» بالاباقشاسىندا «مەكتەپكە دەيىنگى ۇيىمداعى پەداگوگيكالىق كادرلاردىڭ كاسىبي قىزمەتىندە تەحنولوگيالاردى قولدانۋ تيىمدىلىگى» تاقىرىبىنداعى وبلىستىق تاجىريبەلىك سەمينارى ءوتتى. سەمينارعا بولاشاق ۇرپاق تاربيەسىندەگى ماڭىزدىلىعىن ەسكەرىپ اۋدان اكىمى ەرلان ايتاحانوۆ ارنايى بارىپ قاتىسىپ، قۇتىقتاۋ ءسوز سويلەدى.
ءوز سوزىندە: «قۇرمەتتى سەمينارعا قاتىسۋشىلار، سىزدەردى بۇگىنگى ايتۋلى مەرەكە 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىمەن شىن جۇرەكتەن قۇتتىقتايمىن! تۇڭعىش پرەزيدەنت كۇنىن ەرەكشەلىگى سوندا، ول — قازاق حالقىنىڭ مەملەكەت بولىپ قالىپتاسۋىنىڭ ماڭىزدى كەزەڭىن ايقىندايدى.
ۇلى بابامىز ءابۋ ناسىر ءال-فارابي: «ادامعا بىلىممەن قاتار، تاربيە بەرىلۋى كەرەك، تاربيەسىز بەرىلگەن ءبىلىم – ادامزاتتىڭ حاس جاۋى»، – دەگەن ەكەن. ۇرپاق تاربيەسىندە ەجەلدەن قالىپتاسقان حالقىمىزدىڭ جاقسى داستۇرلەرىن وقىپ ۇيرەنۋ، ونەگە تۇتۋ، جاس ۇرپاقتى ىزگىلىككە باۋلۋ ۇلكەن جاۋاپكەرشىلىكتى تالاپ ەتەدى. ۇلتتىق تاربيەنىڭ قۇدىرەتىن قانشا ايتساق تا، تۇگەل ايتۋ مۇمكىن ەمەس. وسىنداي ۇلى تاربيە ىزگىلىكتەرى بالا كەزدەن، بۇلا كەزىڭنەن باستاۋ الماسا، كەيىن وتە قيىنعا سوعاتىنى – دالەلدەۋدى قاجەت ەتپەيتىن اقيقات. سوندىقتان بۇگىنگى سەميناردان وسى باعىتتا مول تاجىريبە الماسىپ، ماڭىزى زور جەتىستىكتەرگە قول جەتكىزەدى دەگەن سەنىمدەمىن»-دەگەن اۋدان اكىمى سەمينار جۇمىسىنا ساتتىلىك تىلەدى.
مەرەكەلىك ءىس-شارالار ق.مۇڭايتپاسوۆ اتىنداعى سپورت كەشەنىندە جالعاسىن تاپتى. مەكتەپكە دەيىنگى ءبىلىم بەرۋ ۇيىمدارىنىڭ قىزمەتكەرلەرى اراسىندا ۆولەيبولدان جانە ەستافەتالىق ويىندار جارىسىنىڭ اشىلۋ سالتاناتىندا اۋدان اكىمى ەرلان ايتاحانوۆ قۇتتىقتاۋ ءسوز سويلەپ، جارىسقا قاتىسۋشىلارعا جىلى لەبىزىن ءبىلدىردى.
بۇگىندە اۋدانىمىزدا وسى باعىتتا ءتۇرلى ءىس-شارالار جوسپارى بەكىتىلىپ، اۋقىمدى جۇمىستار اتقارىلدى. ماسەلەن، كوپقاباتتى تۇرعىن ۇيلەردىڭ اۋلاسىنا بىرنەشە اشىق سپورت الاڭشالارى، اقتوبە مەن اققۇمدا جابىق سپورت كەشەندەرى، ماياقۇم، كوكساراي، تەمىر اۋىل وكرۋگتەرىندە اشىق سپورت الاڭدارى اشىلدى. بۇل ءوز كەزەگىندە جاستاردىڭ بوس ۋاقىتتارىن ءتيىمدى پايدالانىپ، سپورتپەن شۇعىلدانۋلارىنا ۇلكەن سەپتىگىن تيگىزەدى دەپ ويلايمىن-دەدى اۋدان باسشىسى ءوزىنىڭ قۇتتىقتاۋ سوزىندە.
مەرەكە اياسىندا اۋدانىمىزدا مەدياسيانى دامىتۋ ورتالىعى اشىلدى.سالتاناتتى شارانى اۋدان اكىمىنىڭ ورىنباسارى پەردەحان جاپپارقۇلوۆ اشىپ ،ءبىرىڭعاي قىزمەت كورسەتۋ ورتالىعىنىڭ اشىلۋىمەن جيىلعان كوپشىلىكتى قۇتتىقتادى.
جيىندا شىمكەت قالاسىنداعى مەدياسيانى دامىتۋ ورتالىعىنىڭ ديرەكتورى لاۋرا اقشەگىروۆا مەن اۋداندىق سوتتىڭ ءتوراعاسى اكىمبەك جاناسوۆتار ءسوز الىپ، «مامانداردىڭ ايتۋىنشا مەدياسيانى قوعامدا قالىپتاستىرۋ ماڭىزدى ىستەردىڭ ءبىرى بولىپ تابىلادى.ازاماتتار داۋ-دامايدىڭ وڭاي شەشۋ جولدارىن وسى ورتالىقتان تابا الادى.ال ەڭبەك، وتباسىلىق،قارجىلىق داۋلارعا دۋشار بولعاندارعا تاجىربيەسى مەن بىلىكتىلىگى ۇشتاسقان ماماندار كومەك قولىن سوزادى.ولاردىڭ قاتارىندا زاڭگەر مەن پسيحولوگتار بار.ورتالىقتىڭ تاعى ءبىر ءتيىمدى تۇسى ومىرلىك قيىن جاعدايعا تاپ بولعاندارعا تەگىن قىزمەت كورسەتەدى» — دەپ كوپشىلىكتى ق ر تۇڭعىش پرەزيدەنتى كۇنىمەن جانە ورتالىقتىڭ اشىلۋىمەن قۇتتىقتاپ، ىزگى لەبىزدەرىن ءبىلدىردى.
مەرەكەلىك ءىس-اشارا جامبىل اتىنداعى مەكتەپ-ليسەيىندە «مەن پرەزيدەنتىممەن ماقتانامىن» تاقىرىبىندا جالعاسىن تاپتى. ەلىمىزدىڭ ىنتىماعى مەن بىرلىگىن بەرىك ساقتاپ، ەل تىزگىنىن ۇستاعان ەلباسىمىز نۇرسۇلتان ءابىش ۇلى نازاربايەۆتىڭ سىندارلى ساياساتىن كەڭىنەن ناسيحاتتاۋ، جاس بۋىندارعا پاتريوتتىق تاربيە بەرۋ، وسكەلەڭ ۇرپاقتى وتانشىلدىققا،ۇلكەندى قۇرمەت تۇتۋعا باۋلۋ ماقساتىنداعى مەرەكەلىك شارادا ءبىلىم ورداسىنىڭ ونەرپازدارى ءوز ونەرلەرىن كورسەتىپ، مەرەكەنىڭ مازمۇنىن اشا ءتۇستى.مەكتەپ فويەسىنە تۇلعانىڭ كىتاپتارى مەن قولونەر شەبەرلەرىنىڭ بۇيىمدارى قويىلىپ، ەلباسىمىزدىڭ ءجۇرىپ وتكەن جولدارىنان سىر شەرتىپ، ونەگەلى ءومىرى مەن جەمىستى قىزمەتىنە ارنالعان جيناقتار دا تاماشالاندى.
كوپشىلىككە مەرەكەلىك كوڭىل كۇي سىيلاعان شاراعا اۋدان اكىمى ەرلان ايتاحانوۆ ارنايى قاتىسىپ،مەرەيلى مەرەكەمەن قۇتتىقتاپ،ەلىمىزدىڭ ەرتەنگى بولاشاعى بولىپ سانالاتىن بۇگىنگى بۇلدىرشىندەرىمىزدىڭ ونەرلەرىن تاماشالادى. سالتاناتتى شارا بارىسىندا ەل تاۋەلسىزدىگىنە ارنالعان ارنايى بەينەتاسپانى تاماشالاعان كوپشىلىك تۇڭعىش پرەزيدەنتىمىزدىڭ وتكەن ءومىر جولدارىنا تاعى دا ءبىر مارتە قانىعا ءتۇستى.
ءو.جانىبەكوۆ اتىنداعى №4 جالپى ورتا ليسەي-ينتەرناتىندا «ەلباسى – ەلدىڭ تىرەگى» اتتى مەرەكەلىك ءىس-شاراسى وتكىزىلدى. حالقىنىڭ قالاۋىمەن 1991 جىلدىڭ 1 جەلتوقسانىندا وتكەن جالپىحالىقتىق سايلاۋدا باسىم داۋىسپەن ەلىمىزدىڭ تۇڭعىش پرەزيدەنتى بولىپ سايلانعان ەلباسىنىڭ ونەگەلى ءومىر جولدارى مەن جەتكەن جەتىستىكتەرى وقۋشىلاردىڭ ارناۋ ولەڭدەرىنە ارقاۋ بولىپ، ەت جۇرەكتى ەلجىرەتەر پاتريوتتىق اندەر شىرقالعان مازمۇندى ءىس-شارادا اۋدان اكىمى ەرلان ايتاحانوۆ جيىنعا قاتىسۋشىلاردى ايتۋلى مەرەكەمەن قۇتتىقتاپ، جەلكىلدەپ ءوسىپ كەلە جاتقان جاس بۋىنعا مەملەكەت باسشىسىنىڭ عيبراتتى ىستەرىن ۇلگى-ونەگە ەتە وتىرىپ، اسەرلى اڭگىمە ءوربىتتى.
«كەمەڭگەر ەلباسى — ىرىسى ەلىمنىڭ» اتتى مادەنيەت سارايىنداعى سالتاناتتى جيىن بۇگىنگى مازمۇندى وتكەن بارلىق ءىس-شارالاردى قورىتىندىلادى.
سالتاناتتى جيىن «كۇن بەينەسى» بي كومپوزيسياسىمەن باستالىپ، اشىق دەپ جاريالانعان سوڭ مەملەكەتتىك ءانۇران ورىندالدى. اۋدان اكىمى ەرلان ايتاحانوۆ وتىرارلىقتاردى مەرەكەمەن قۇتتىقتاپ، ءار سالا بويىنشا اۋداننىڭ الەۋمەتتىك-ەكونوميكالىق دامۋىنا وزىندىك ۇلەستەرىن قوسقان قىزمەتكەرلەر اۋدان اكىمىنىڭ ارنايى العىس حاتتارىمەن ماراپاتتالدى.
مەرەكەلىك جيىن اۋدان ونەرپازدارىنىڭ كونسەرتتىك باعدارلاماسىنا ۇلاسىپ، كوپشىلىككە كوتەرىڭكى كوڭىل كۇي سىيلادى.
Dalanews.kz
