ەلدەگى جۋرناليستەر مەن بلوگەرلەردى وقىتۋعا ارنالعان مەديا ترەنەرلەر ءۇشىن گرانت بولىنەدى. «مەديا دامىتۋ كورى» كورپوراتيۆتىك قورى ق ر مادەنيەت جانە اقپارات مينيسترلىگىنىڭ قولداۋىمەن 2024 جىلدىڭ 16 مامىرىنان باستاپ مەديا ترەنەرلەرگە ارنالعان گرانتتارعا ءوتىنىم قابىلداۋدى باستادى.
كونكۋرسقا ۇكىمەتتىك ەمەس ۇيىمدار، جەكە جانە زاڭدى تۇلعالار قاتىسا الادى،  دەپ حابارلايدى Dalanews.kz. 

گرانتقا قاتىسۋشىنىڭ ءوتىنىم بيۋدجەتى 5 000 000 تەڭگەدەن اسپاۋى ءتيىس. كونكۋرسقا وقىتۋ كۋرستارى مەن ترەنينگتەر وتكىزۋدە تاجىريبەسى بار مەديا سالانىڭ ماماندارى قاتىسا الادى.

مەديا ترەنەرلەرگە ارنالعان گرانتتار كەلەسى تاقىرىپتار بويىنشا بەرىلەدى:
1) اناليتيكالىق جۋرناليستيكا؛
2) مەدياەتيكا؛
3) اقپاراتتى تولىق زەرتتەۋ جانە سىني كوزقاراسپەن ۇسىنۋ.
ءوتىنىم تولتىرۋ بارىسىندا ءار قاتىسۋشى قازاقستاننىڭ بىرنەشە وبلىسىن تاڭداي الادى، الايدا گرانت العان جاعدايدا مەديا مامان كۋرستى تەك ءبىر وڭىردە وتكىزەدى جانە گرانت الۋشى تىڭداۋشىلار توبىنىڭ ءتىزىمىن قوردىڭ كەلىسىمىمەن قۇرادى.

وقىتۋ پراكتيكالىق ساباقتارعا باعىتتالىپ، وفلاين فورماتتا وتكىزىلۋى ءتيىس جانە قاتىسۋشىلىر كۋرس اياقتالعان كەزدە وزدەرى جاساعان مەديا ونىمدەردى ۇسىنادى. مەديا ءونىم دەگەنىمىز - كەزكەلگەن فورماتتاعى جانە جانرداعى ءجۋرناليستىڭ جەكە نەمەسە ءبىر شىعارماشىلىق توپ بولىپ قۇرىلعان مەديا مامانداردىڭ ماتەريالى.

گرانتتىق باعدارلاماعا قاتىسۋ 2024 جىلعى 16 مامىردان 30 ماۋسىمعا دەيىن https://mdq.kz سايتىندا ءوتىنىم تولتىرۋ ارقىلى جۇزەگە اسىرىلادى.

كونكۋرس شارتتارى:
• ۇمىتكەر قازاقستان رەسپۋبليكاسىنىڭ ازاماتى بولۋ؛
• ب ا ق سالاسىندا كەمىندە 5 جىل جۇمىس تاجىريبەسى بولۋ؛
• ءتيىستى جوعارى ءبىلىمى بولۋ؛
• سايتتاعى حابارلاندىرۋمەن تانىسۋ؛
• ءوتىنىم بەرۋ جانە ساۋالنامانى تولتىرۋ؛
• ءاربىر قاتىسۋشى ءبىر عانا ءوتىنىم بەرە الادى.

قۇرمەتپەن، «مەديا دامىتۋ قورى» كق
grants.mdq@gmail.com
+7 775 8073893