ماقالادا «كەڭىستىك – بارلىق نارسەنىڭ، ال ۋاقىت – بۇكىل وقيعانىڭ ولشەمى. ۋاقىت پەن كەڭىستىكتىڭ كوكجيەگى توعىسقان كەزدە ۇلت تاريحى باستالادى. بۇل – جاي عانا ادەمى افوريزم ەمەس» دەپ اتاپ ءوتتى.
شىن مانىندە، «ۇلت تاريحىنداعى كەڭىستىك پەن ۋاقىت» تارماعىنداعى: اتقا ءمىنۋ مادەنيەتى، ۇلى دالاداعى ەجەلگى مەتاللۋرگيا، اڭ ءستيلى، التىن ادام، تۇركى الەمىنىڭ بەسىگى، «تاريحي سانانى جاڭعىرتۋ» تارماعىنداعى: ارحيۆ-2025، ۇلى دالانىڭ ۇلى ەسىمدەرى، تۇركى الەمىنىڭ گەنەزيسى، ۇلى دالانىڭ ەجەلگى ونەر جانە تەحنولوگيالار مۋزەيى، دالا فولكلورى مەن مۋزىكاسىنىڭ مىڭ جىلى، تاريحتىڭ كينو ونەرى مەن تەليەۆيزياداعى كورىنىسى تۋرالى جازىلعان پىكىرلەر دەر كەزىندە كوتەرىلگەن ماسەلە دەپ ويلايمىن
ەلباسىنىڭ بىلتىرعى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ جالعاسى رەتىندە، جوعارىدا كورسەتىلگەن پىكىرلەردى ءبىراۋىزدان قولداپ، كەلەر ۇرپاقتىڭ ءتول تاريحىمىزدى بىلۋىنە، ونى باعالايتىن جانە ماقتان تۇتۋىنا ناسيحاتتاۋدا بار كۇش-جىگەرىمىزدى سالۋىمىز قاجەت.
وتكەنىمىزدى ماقتان تۇتىپ، بۇگىنگى كۇندى باعالاي ءبىلۋ، بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى ەكەندىگى بارماشىزعا ايان.
باتىربەك يسلامبەكوۆ، ارىس قالالىق «ارداگەرلەر كەڭەسى» قوعامدىق بىرلەستىگىنىڭ ءتوراعاسى.
