ءماجىلىس سپيكەرى ەرلان قوشانوۆ سۋ تاسقىنى كەزىندە كەيبىر دەپۋتاتتار وڭىرلەردى ارالاپ، حالىقپەن بىرگە بولعانىن اتاپ ءوتتى، دەپ حابارلايدى Dalanews.kz.
ءماجىلىس وتىرىسىندا دەپۋتات، Amanat پارتياسى فراكسياسىنىڭ مۇشەسى رينات زايىتوۆ ەرلان قوشانوۆقا كۇن ءتارتىبى بويىنشا قوياتىن ءبىر سۇراعى بار ەكەنىن جەتكىزدى.
"ەلدە بولىپ جاتقان ۇلكەن اپات بويىنشا تالقىلاۋ بولا ما؟"، - دەپ سۇرادى ول.
ءوز كەزەگىندە ەرلان قوشانوۆ سۋ تاسقىنى كەزىندە ءبىرقاتار دەپۋتات وڭىرلەردى ارالاپ، حالىقتىڭ جانىندا بولعانىن العا تارتتى. ايتۋىنشا، بۇل جۇمىس ءالى دە جالعاسىن تابادى.
"ناقتى كومەك كورسەتىلىپ جاتىر. مەنىڭ ويىمشا، وسى جەردە وتىرىپ اڭگىمە ايتۋ ەمەس، وسىنداي جۇمىس كەرەك. سوندىقتان جالپى وتىرىس اياقتالعان سوڭ تاعى ءبىر توپ دەپۋتات سۋ تاسقىنى بولىپ جاتقان وڭىرلەرگە شىعادى. حالىقپەن بىرگە بولادى"، - دەدى ەرلان قوشانوۆ.
سونىمەن قاتار ول توتەنشە جاعدايعا بايلانىستى كوتەرەتىن ماسەلەلەرى بولسا، دەپۋتاتتىق ساۋال ارقىلى جولداۋعا بولاتىنىن ايتتى.
ەسكە سالايىق، قازاقستاننىڭ ءبىرشاما ءوڭىرىن ەرىگەن قار مەن تاسىعان وزەن سۋى باستى. حالىق اپاتتى ايماقتاردان ءالى دە ەۆاكۋاسيالانىپ جاتىر.
وسى تۇستا پرەزيدەنت قاسىم-جومارت توقايەۆ بارلىق وتاندىق بيزنەس وكىلدەرىن سۋ تاسقىنىنان زارداپ شەككەندەرگە كومەكتەسۋگە شاقىرعان بولاتىن.
سونداي-اق مەملەكەت باسشىسى ۇكىمەت پەن اكىمدىكتەردىڭ رەزەرۆتەرىن، "قازاقستان حالقىنا" قورىنىڭ قاراجاتىن دا پايدالانۋ كەرەكتىگىن اتاپ ءوتتى.
بۇل جاعدايعا ءماجىلىس دەپۋتاتى ماقسات تولىقباي دا پىكىر بىلدىرگەن ەدى.
دەپۋتاتتىڭ سوزىنشە، اكىمدىكتەردە ەشقانداي دايىندىق جوق. بۇل - ۇكىمەت پەن اكىمدىكتەر اراسىندا بايلانىس جوق ەكەنىنىڭ بەلگىسى. ماقسات تولىقباي بۇل جاعدايعا كىنالى رەتىندە رومان سكلياردى اتادى.
"تامىرىنان قۇرتتاعان اعاش بۇتاعىنان ەمدەلمەيدى. رومان سكلياردان باستاپ ۇكىمەتتىڭ كەيبىر مۇشەلەرىن اۋىستىراتىن كەز كەلدى.
ايماقتاردى ارالاپ، اقتوبەنىڭ ورتاسىنا شەتتىك. ءبىراق، ءقادىرلى اعايىن، شىنىن ايتۋ كەرەك، اكىمدىكتەردىڭ دايىندىعى وتە ناشار. ءتىپتى باسقاسىن ايتپاعاندا، كەيبىر اۋدان اكىمدەرىنىڭ رەزەرۆىندە نە قايىق جوق، سۋ ەتىك تابىلماي جاتىر. اكىمدىك پەن ۇكىمەتتىڭ اراسىندا بايلانىس جوقتىڭ قاسى دەسەك بولادى.
بۇعان ءبىرىنشى كەزەكتە كىم جاۋاپتى؟ اشىعىن ايتۋ كەرەك، پرەمەر-مينيستردىڭ ورىنباسارى رومان سكليار جاۋاپتى. كەشە اقتوبەگە كەلدى. العا دەيتىن ءبىر اۋدانعا باردى، ءبىراق سۋدىڭ استىندا قالعان ويىلعا نەگە بارمايدى؟
مۇنىڭ الدىندا الاپات ءورت بولعانىن بىلەسىزدەر. قانشاما ادام ورتەنىپ كەتتى. بۇعان دا كىم جاۋاپتى؟ رومان سكليار جاۋاپتى. سوگىسپەن قۇتىلدى.
سوندىقتان بۇل وزگەلەرگە ساباق بولۋى ءۇشىن پرەزيدەنت سوگىس جاريالاپ جاتىر. ءبىراق رومان سكلياردان باستاپ ۇكىمەتتىڭ كەيبىر مۇشەلەرىنە شارا قولدانىپ، اۋىستىراتىن كەز كەلدى عوي دەپ ويلايمىن"، - دەدى دەپۋتات.
