بۇگىن ق ر اقپارات جانە قوعامدىق دامۋ ۆيسە-مينيسترى سەرىك ەگىزبايەۆ بىرىككەن ۇلتتار ۇيىمىنىڭ ەسىرتكى جانە قىلمىس بويىنشا باسقارماسىنىڭ ورتالىق ازياداعى وڭىرلىك وكىلى – اشيتا ميتتالمەن، سونداي-اق بۇۇ ەقب وزگە دە  وكىلدەرىمەن كەزدەسۋ وتكىزدى، – دەپ حابارلايدى Dalanews.kz.

تاراپتار ەكسترەميزم مەن تەرروريزمگە قارسى ءىس-قيمىل سالاسىنداعى ىنتىماقتاستىق ماسەلەلەرىن تالقىلادى.

س.ەگىزبايەۆ مينيسترلىكتىڭ ءدىن سالاسىنداعى الدىن الۋ جۇمىستارى تۋرالى، ونىڭ ىشىندە تەرروريستىك جانە ەكسترەميستىك قىلمىستارعا قاتىسقانى ءۇشىن سوتتالعان تۇلعالارمەن وڭالتۋ شارالارى تۋرالى ايتىپ ءوتتى.

ءوز كەزەگىندە، ا.ميتتال قازاقستاننىڭ ءدىني ەكسترەميزمنىڭ الدىن الۋ سالاسىنداعى وڭتايلى تاجىريبەسىن اتاپ ءوتىپ، اعىمداعى جىلعى مامىردا وتەتىن «باس بوستاندىعىنان ايىرۋ مەكەمەلەرىنەن بوساتىلعان سوڭ سوتتالعانداردى الەۋمەتتىك قايتا ينتەگراسيالاۋداعى ازاماتتىق قوعامنىڭ ءرولى» اتتى فورۋمعا قاتىسىپ، قۇتتىقتاۋ ءسوز سويلەۋگە شاقىردى.

كەزدەسۋ بارىسىندا جاستاردى راديكالدى يدەولوگيانىڭ اسەرىنەن الىستاتۋ، ينتەرنەتتەگى كونترناسيحات جۇمىستارى، ەكسترەميستىك جانە تەرروريستىك باعىتتاعى قىلمىستار ءۇشىن سوتتالعاندارمەن جۇمىس بويىنشا قولداۋ كورسەتۋ، سونداي-اق بۇۇ ەقب-مەن ىنتىماقتاستىقتى كەڭەيتىپ، ونىڭ ىشىندە تەرروريستىك بەلسەندى ايماقتاردان قايتارىلعان ازاماتتاردى وڭالتۋ جانە قايتا ينتەگراسيالاۋ اياسىندا ازاماتتىق سەكتوردى دامىتۋ ماسەلەلەرى  بويىنشا تاجىريبە الماسۋ بولىپ ءوتتى.