مەدەنيەت جەنە سپورت مينيسترٸنٸڭ بۇرىنعى ورىنباسارى ەرلان قوجاعاپانوۆ سوتتاعى جارىسسٶز كەزٸندە ٶزٸنە تاعىلعان ايىپتاردى جوققا شىعارىپ, تەرگەۋ بارىسىن سىنعا الدى. ول تەرگەۋ ٸسٸنٸڭ قولدان قۇراستىرىلعانىن, ال كۋەلارعا قىسىم جاسالعانىن مەلٸمدەدٸ, دەپ حابارلايدى Dalanews.kz Bes.media-عا سٸلتەپ.
قوجاعاپانوۆتىڭ ايتۋىنشا, وعان تاعىلعان ايىپتار كۋەگەرلەردٸڭ ٶز كٶرسەتۋلەرٸمەن-اق تەرٸسكە شىققان, ونىڭ ٸشٸندە مەملەكەتتٸك ايىپتاۋشى تاراپتىڭ كۋەلارى دا بار.
“سوڭعى بەس ايداعى 50 سوت وتىرىسىن ەلەمەگەندەي. كۋەلاردىڭ كٶز جاسىن, ‘تسيرك’, ‘مازاق’ دەگەن سٶزدەردٸ ۇمىتىپ كەتكەندەي. پروكۋرور ۇسىنعان قۇجاتتارعا سٸز دە كٷلدٸڭٸز, قۇرمەتتٸ سۋديا. (...) كۋەلار شىندىقتى ايتتى, ال ول شىندىق تەرگەۋ ورگاندارىنىڭ ايتقاندارىن تٷگەل جوققا شىعارادى,” – دەدٸ قوجاعاپانوۆ.
سونداي-اق, ول فورۋم سمەتاسىن ەسەپتەگەن ساراپشىلاردىڭ بٸرٸ 1000 دوللار العانىن, ال ەكٸنشٸسٸ بۇعان دەيٸن مەملەكەتتٸك ساتىپ الۋلارعا قاتىسۋ كەزٸندە ادال ەمەس دەپ تانىلعانىن ايتتى. بٸراق بۇل جايتتار تەرگەۋدە ەسكەرٸلمەگەن.
قوجاعاپانوۆتىڭ سٶزٸنشە, كۋەلار انتيكور قىزمەتكەرلەرٸنٸڭ قىسىمى مەن قورقىتۋىنا ۇشىراعان. ول بۇل قىزمەتكەرلەردٸڭ جۇمىستان بوساتىلۋىن تالاپ ەتتٸ.
“مەن ەشكٸمنٸڭ تٷرمەدە وتىرعانىن قالامايمىن, بٸراق بۇل ادامدار جۇمىستان كەتۋٸ كەرەك. ولار انتيكوردىڭ بەدەلٸنە نۇقسان كەلتٸرۋدە. ولار – ازاپتاۋ, بوپسالاۋ, پارا بەرۋ مەن الۋ, بالانى قاۋٸپكە قالدىرۋ, باسپانانىڭ جەكە قولسۇعىلماۋشىلىعىن بۇزۋ سيياقتى التى باپ بويىنشا جاۋاپقا تارتىلۋى كەرەك,” – دەدٸ ول.
قوجاعاپانوۆ 2,3 ملرد تەڭگە كٶلەمٸندەگٸ جوبانى قارجىلاندىرۋعا قول قويعانىن جوققا شىعارمايدى, بٸراق بۇل تەك فورمالدى رەسٸم بولعانىن, بارلىق ەسەپتەر پروفيلدٸك كوميتەتپەن جاسالىپ, مينيستر مەن قارجى مينيسترلٸگٸمەن كەلٸسٸلگەنٸن ايتتى.
“ەگەر ۆيتسە-مينيسترلەر سمەتانى تەكسەرۋٸ كەرەك بولسا, ونى لاۋازىمدىق نۇسقاۋلىققا ەنگٸزۋ قاجەت. مەن تەك بەكٸتٸلگەن قۇجاتقا قول قويدىم. بۇل – مەنٸڭ مٸندەتٸم,” – دەدٸ ول.
سوتتاعى باستى سۇراقتاردىڭ بٸرٸ – قوجاعاپانوۆ Success كومپانيياسىن فورۋمى ۇيىمداستىرۋ ٷشٸن لوببيلەدٸ مە? بۇعان ول جاۋاپ بەردٸ:
“مەن بۇل كومپانييانى لوببيلەگەن جوقپىن. 14 مامىرداعى جينالىستا باسقا بالامالار قارالمادى. Success جالعىز ٷمٸتكەر بولدى, ونى كوميتەتتٸڭ ٶزٸ ۇسىندى. مەن تەك سول شەشٸممەن كەلٸستٸم,” – دەدٸ ول.
ونىڭ ايتۋىنشا, Success-تٸڭ قاجەتتٸ تەجٸريبەسٸ مەن تەحنيكالىق مٷمكٸندٸكتەرٸ بولعان. ال كومپانييامەن بايلانىستى كٷدٸك تۋعىزاتىن حات الماسۋلاردا قوجاعاپانوۆتىڭ اتى مٷلدە كەزدەسپەيدٸ.
قوجاعاپانوۆتىڭ ايتۋىنشا, فورۋمعا بٶلٸنگەن قاراجاتقا ٶتٸنٸم بەرۋ – ونىڭ مٸندەتٸ بولعان, بٸراق تەك مينيستر بەكٸتٸپ, ٷكٸمەتكە جولداعان سوڭ عانا. ال سمەتا – پروفيلدٸك كوميتەتتٸڭ قۇزىرىندا.
“مەندە سمەتانى تەكسەرەتٸن قۇرال دا, قۇزىرەت تە بولعان جوق,” – دەدٸ ول.
قوجاعاپانوۆ سوتتان:
ايىپتاۋدى دەلەلدەنبەگەن دەپ تانۋدى;
جۋاسپاي مەن كوككوزوۆا اراسىنداعى حات الماسۋدى ايعاق رەتٸندە قابىلداۋدى;
تەرگەۋشٸلەر, ساراپشىلار مەن كۋەلاردىڭ ەرەكەتتەرٸن تەكسەرۋدٸ سۇراپ, جەكە قاۋلى شىعارۋدى تالاپ ەتتٸ.
“مەن ٶز كٸنەسٸزدٸگٸمدٸ تولىق دەلەلدەدٸم. مەنٸڭ ەرەكەتتەرٸمدە ەشقانداي ٶكٸلەتتٸكتٸ اسىرا پايدالانۋ بولعان جوق,” – دەدٸ ول.
ەرلان قوجاعاپانوۆ – قك 361-بابى 4-بٶلٸگٸ بويىنشا ("اۋىر زارداپتارعا ەكەلگەن لاۋازىمدىق ٶكٸلەتتٸكتەردٸ اسىرا پايدالانۋ");
لياززات كٶككٶزوۆا (Success كومپانيياسىنىڭ باسشىسى) – قك 189-بابى 4-بٶلٸگٸ بويىنشا ("ەرەكشە ٸرٸ كٶلەمدە سەنٸپ تاپسىرىلعان مٷلٸكتٸ يەمدەنۋ نەمەسە ىسىراپ ەتۋ").
2018 جىلى پەتروپاۆلدا قازاقستان مەن رەسەي اراسىنداعى ٶڭٸرارالىق ىنتىماقتاستىق فورۋمى ٶتكەن. وعان قازاقستاننىڭ سول كەزدەگٸ پرەزيدەنتٸ نۇرسۇلتان نازارباەۆ پەن رەسەي پرەزيدەنتٸ ۆلاديمير پۋتين قاتىسقان. فورۋمعا دايىندىق شەڭبەرٸندە قالادا وقۋشىلار سارايى مەن تەننيس ورتالىعى سالىنعان. جوباعا شامامەن 1 ملرد تەڭگە بٶلٸنگەن. قوجاعاپانوۆ بۇل ٸس بويىنشا 2024 جىلى, فورۋمنان التى جىل ٶتكەن سوڭ ۇستالدى.
