ەرۇلان جاماۋبايەۆ پرەزيدەنتتىڭ كەڭەسشىسى بولىپ تاعايىندالدى، - دەپ حابارلايدى Dalanews.kz.

"مەملەكەت باسشىسىنىڭ وكىمىمەن ەرۇلان كەنجەبەك ۇلى جاماۋبايەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى"، - دەپ جازىلعان حابارلامادا. 

ەرۇلان جاماۋبايەۆ 1974 جىلى 25 ناۋرىزدا الماتى وبلىسىندا تۋعان. 1995 جىلى قازاق مەملەكەتتىك باسقارۋ اكادەمياسىن، "قارجى جانە كرەديت" ماماندىعى بويىنشا، 2009 جىلى قازاق ەكونوميكالىق ۋنيۆەرسيتەتىن، "ىسكەرلىك اكىمشىلەندىرۋ ماگيسترى" بويىنشا ءتامامداعان.

1996-1998 جىلدارى – قازاق مەملەكەتتىك باسقارۋ اكادەمياسىنىڭ وقىتۋشىسى.

1998-2006 جىلدارى – قازاقستان رەسپۋبليكاسى ۇلتتىق بانكى زەرتتەۋلەر جانە ستاتيستيكا دەپارتامەنتى جەتەكشى ساراپشىسى، باس ساراپشىسى، باس مامان-ساراپشىسى، باسقارما باستىعى، ديرەكتور ورىنباسارى؛

006-2014 جىلدارى – قازاقستان رەسپۋبليكاسى ۇلتتىق بانكىنىڭ ۇيلەستىرۋ دەپارتامەنتىنىڭ ديرەكتورى.

2014-2015 جىلدارى – "قازاقستاننىڭ تۇرعىن ءۇي قۇرىلىس بانكى" اق-نىڭ باسقارۋشى ديرەكتورى.

2015 جىلعى شىلدە مەن قاراشا ارالىعىندا – قازاقستان رەسپۋبليكاسىنىڭ پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.

2015 جىلعى قاراشا مەن 2018 جىلعى قاراشا ارالىعىندا - قازاقستان رەسپۋبليكاسىنىڭ پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى.

2018 جىلعى قاراشا مەن 2019 جىلعى ناۋرىز ارالىعىندا قازاقستان رەسپۋبليكاسى پرەزيدەنتىنىڭ كومەكشىسى.

بۇعان دەيىن قارجى ءمينيسترى قىزمەتىن دە اتقاردى.