ق ر پرەمەر-مينيسترى ولجاس بەكتەنوۆ ۇكىمەت وتىرىسىندا "G-Park" قۇرىلىس كومپانياسىنىڭ استانادا 7 تۇرعىن ءۇيدى رۇقسات قۇجاتتارىنسىز سالىپ جاتقانىن مالىمدەدى. سونىمەن قاتار، وسى ۇيلەرگە 3،5 مىڭ وتباسىنىڭ قارجى سالىپ قويعانىن ايتتى، - دەپ حابارلايدى Dalanews.kz.
ءوندىرىس جانە قۇرىلىس مينيسترلىگى مالىمەتىنشە، پروبلەما ءورشىپ بارادى. ءقازىر ەل بويىنشا 340 تۇرعىن ءۇي كەشەنى زاڭسىز سالىنۋدا.
"استانا ءماسليحاتىنىڭ ەكس-دەپۋتاتى، G-Park باسشىسى عابيت ساتماعامبەتوۆتى ۇلكەن پروبلەمالار كۇتىپ تۇر دەيدى، DALA INSIDE دەرەككوزى"، - دەپ جازدى DALA INSIDE ارناسى.
ارنا مالىمەتىنشە، پرەمەر-مينيستر ولجاس بەكتەنوۆتىڭ ءدال وسى قۇرىلىس كومپانياسىن اتاپ ايتقانى، ساتماعامبەتوۆتىڭ ءار قادامىن اڭدىپ وتىرعان قۇقىق قورعاۋ ورگاندارى ءۇشىن سيگنال بولۋى دا مۇمكىن. ودان بولەك، استانا اكىمى جەڭىس قاسىمبەك تە "ساتماعامبەتوۆ ماسەلەسىن" تەزىرەك شەشۋگە نيەتتى.
"ساتماعامبەتوۆتىڭ ءوزىن جاۋاپقا تارتۋمەن ءىس بىتپەيىن دەپ تۇر. ەكس دەپۋتات كوپ نارسەنى بۇلدىرگەن. ءىس ناسىرعا شاپسا، مەملەكەتكە ونىڭ نىساندارىن ءوز قاراۋىنا الىپ، قۇجاتتارىن رەتتەپ، كەپىلدىك مەحانيزمى اياسىندا سالىپ بىتىرۋگە تۋرا كەلەدى. سەبەبى 3،5 مىڭ ۇلەسكەر الەۋمەتتىك تولقۋلار تۋعىزا الاتىن كۇشكە يە"، - دەپ جازىلعان ارنا مالىمەتىندە
"اقتوبە وبلىسىندا 11 وبەكتى بويىنشا الدانعان ۇلەسكەرلەر 2 جىلدان بەرى سوتتاسىپ كەلەدى. استاناداعى "ارابي-2 – گرانيتنىي-2" تۇرعىن ءۇي كەشەنى 10 جىل بۇرىن پروبلەمالىق نىسان دەپ تانىلعان. 200-گە جۋىق وتباسى ۇيلەرىن الا الماي وتىر. قۇجاتتارى دۇرىس ەمەس كوپتەگەن وبەكتىلەردىڭ قۇرىلىس جۇمىستارى سوزىلىپ كەتۋى مۇمكىن. ەلوردادا G-Park كومپانياسى رۇقسات قۇجاتتارىن الماستان 7 تۇرعىن ءۇي قۇرىلىسىن جۇرگىزۋدە. ال وعان 3،5 مىڭعا جۋىق وتباسى ءوز قاراجاتىن سالعان. اتىراۋ وبلىسىندا مۇنداي وبەكتىلەر سانى – 39. بۇل – ءبىرىنشى كەزەكتە، اكىمدىكتەردىڭ تاراپىنان جىبەرىلگەن كەمشىلىكتەردىڭ سالدارى"، - دەدى بەكتەنوۆ ۇكىمەت وتىرىسىندا.
وسىنىڭ الدىندا استانا پوليسياسى ساتماعامبەتوۆ قۇرىلتايشى بولىپ تابىلاتىن "نۇر-سۇلتان فينانس" ج ش س ۇلەسكەرلەرىنىڭ ارىزى بويىنشا قىلمىستىق ءىس قوزعاعان بولاتىن.
"استانا قالاسى ەسىل اۋدانىنىڭ پوليسيا باسقارماسى ۇلەسكەرلەردىڭ ءوتىنىشى بويىنشا ق ر قك 190-بابىنىڭ 2-بولىگى (الاياقتىق) بويىنشا سوتقا دەيىنگى تەرگەپ-تەكسەرۋ جۇمىستارىن جۇرگىزۋدە. ونىڭ نەگىزىندە ءىستىڭ ءمان-جايىن انىقتاۋ ءۇشىن ءتيىستى شارالار قابىلدانادى. قازىرگى ۋاقىتتا بارلىق قاجەتتى تەرگەۋ ارەكەتتەرى جۇرگىزىلۋدە. ناتيجەسى بويىنشا كىنالى تۇلعالاردىڭ ءىس - ارەكەتتەرىنە قۇقىقتىق باعا بەرىلىپ، اتالمىش ءىس بويىنشا شەشىم قابىلداناتىن بولادى"، - دەپ جاۋاپ بەرگەن ەدى ىشكى ىستەر مينيسترلىگى قازتاگ رەداكسياسىنىڭ جولداعان ساۋالىنا.
