ەكس-دەپۋتات سامات نۇرتازا كٷزدەگٸ اۋىس-تٷيٸسكە ساياسي بولجام جاسادى, دەپ حابارلايدى dalanews.kz.
سامات نۇرتازانىڭ سٶزٸنشە, قىركٷيەكتە پرەزيدەنت ۇلتتىق قۇرىلتاي دەپۋتاتتارىنىڭ الدىندا قازاقستان حالقىنا جولداۋ جاساپ, ەلٸمٸزدٸڭ باعىتىن ايقىندايدى. قوعامدى الاڭداتىپ وتىرعان پروبلەمالارعا توقتاپ, ٶز ويى مەن پٸكٸرٸن بٸلدٸرەدٸ. سوڭعى كەزدەگٸ ەيەلدەرگە جاسالعان قىلمىستارعا ەرەكشە توقتاپ ٶتۋٸ دە ىقتيمال.
سودان كەيٸن, پرەزيدەنتٸمٸز ق.توقاەۆ دەپۋتاتتارعا بولاشاق:
- ۆيتسە-پرەزيدەنت
- قۇرىلتاي سپيكەرٸ
- پرەمەر-مينيستر
- حالىق كەڭەسٸنٸڭ تٶراعاسى كانديداتۋرالارىن ۇسىنادى. قۇرىلتايدىڭ 145 دەپۋتاتى پرەزيدەنتتٸڭ پاراساتتى ۇسىنىسىن كٶپشٸلٸكپەن قولدايدى. (ۇسىنىس قابىلدانۋ ٷشٸن 50%+1 داۋىس جەتكٸلٸكتٸ), - دەيدٸ ەكس-دەپۋتات.
ەكس مەجٸلٸسمەن توقاەۆ ۆيتسە-پرەزيدەنت رەتٸندە كٸمدٸ ۇسىناتىنىن بٸلمەيتٸنٸن ايتادى.
سٸزدەر دە تەك بولجاپ وتىرعان بولارسىز. ارى كەتسە سول ەلگە ەڭبەگٸ سٸڭگەن 5-6 ادامنىڭ ٸشٸنەن لايىقتى ازاماتتى ۇسىنىپ قالار دەگەن ويىم بار. بۇل لاۋازىم بولجاۋعا كەلمەيتٸن, ەڭ تەرەڭ پوزيتسييا. پرەمەر-مينيستردٸڭ كانديداتۋراسى ناقتىلانعان سوڭ, جاڭا پرەمەر قول استىنداعى 22 مينيستر مەن 4 ۆيتسە-پرەمەردٸڭ تاعدىرىن شەشەدٸ. ەگەر كەنەتتەن, و.بەكتەنوۆتىڭ مەرزٸمٸ ۇزارتىلسا (كەزٸندە ا.سمايلوۆتى ۇزارتقانداي), وندا مينيسترلەر اراسىندا اۋىس-تٷيٸس ازداۋ بولادى دەپ ويلايمىن. ۆيتسە-پرەمەرلەر تٸپتٸ ورنىندا قالۋ ىقتيمالدىعى زور. بٸراق حالىق اراسىندا - پرەمەر-مينيستر - ج.قاسىمبەك ياكي ن.نەلٸباەۆ بولادى دەگەن ەڭگٸمە جٷر. ۋاقىت كٶرسەتەر. باستىسى قازاقستانعا ابىرويلى بولسىن. وسى ەكٸ كانديداتۋرادان باسقا, بٷگٸنگٸ كٷنٸ, قيسىنى كەلەتٸن ادام كٶرٸپ تۇرعان جوقپىن. ەكەۋٸ دە ٸسكەر, ەكەۋٸ دە وبلىس ەكٸمٸ بولدى, ەكەۋٸ دە ەڭبەكقور تۇلعالار, ەكەۋٸ دە پرەزيدەنتتەن ماقتاۋ ەستٸدٸ, - دەيدٸ ەكس-دەپۋتات.
ونىڭ سٶزٸنشە, قۇرىلتاي تٶراعاسى ايقىندالعان سوڭ, قۇرىلتاي سپيكەرٸ ٶزٸنٸڭ 3 ۆيتسە-سپيكەرٸن ۇسىنادى.
ەلبەتتە 145 دەپۋتات ول ۇسىنىستى بٸر اۋىزدان قولدايدى. ايتا كەتەتٸن بٸر جەيت: 3 ۆيتسە-سپيكەردٸ تاعايىنداعاندا “ەيەل” جەنە “ٶزگە ۇلت ٶكٸلٸ” دەگەن فاكتورلار ەسكەرٸلۋ تيٸس. بٸزدٸڭ كەزدە ٶزگە ۇلت البەرت راۋ بولسا, - ەيەل رەتٸندە دانييا ەسپاەۆا بولدى. بٸراق مٷمكٸن ٶزگە ۇلت ەيەلدٸ تاعايىنداپ, ەكٸ تالاپتى بٸر اداممەن جابادى (مىسالى: و.پەرەپەچينا, س.يماشەۆا, ت.ساۆەلەۆا دەگەن سيياقتى), - دەيدٸ سامات نۇرتازا.
ونىڭ سٶزٸنشە, حالىق كەڭەسٸنٸڭ تٶراعاسى رەتٸندە, 2 كانديدات قانا بار.
ە.قوشانوۆ جەنە م.ەشٸمباەۆ. ساياسي اتموسفەرا مەن جاعدايدىڭ قيسىنى دا سول 2 ادامنان باسقا ەشكٸمدٸ قالدىرماي وتىر. وسى ەكەۋٸنٸڭ بٸرەۋٸ حالىق كەڭەسٸن باسقارىپ, ەكٸنشٸسٸ رەسەيگە ەلشٸ بولىپ كەتۋ ىقتيمالدىعى بار. سەبەبٸ د.اباەۆتىڭ مەرزٸمٸ اياقتالدى, ال رەسەيگە ەلشٸ بولۋ - ول ٶتە جاۋاپتى, سالماعى اۋىر پوزيتسييا. وعان جەي ديپلوماتتى جٸبەرمەيدٸ دەپ ويلايمىن. تياجەلوۆەس كەرەك (كەزٸندەگٸ ا.سەرسەنباەۆ, ي.تاسماعامبەتوۆ, م.تاجين, ە.جاقسىبەكوۆ سيياقتى). سٶيتٸپ قۇرىلتاي ٶز جۇمىسىنا كٸرٸسٸپ, ٷكٸمەت ٶز جۇمىسىن باستاپ, حالىق كەڭەسٸ ٶز كەڭەسٸن جيناپ, ٶمٸر جالعاسا بەرەدٸ, - دەيدٸ ەكس مەجٸلٸسمەن.
