Eks-depýtat Samat Nurtaza kúzdegi aýys-túiiske saiasi boljam jasady, dep habarlaidy dalanews.kz.
Samat Nurtazanyń sózinshe, qyrkúiekte prezident Ulttyq Quryltai depýtattarynyń aldynda Qazaqstan Halqyna joldaý jasap, Elimizdiń baǵytyn aiqyndaidy. Qoǵamdy alańdatyp otyrǵan problemalarǵa toqtap, óz oiy men pikirin bildiredi. Sońǵy kezdegi áielderge jasalǵan qylmystarǵa erekshe toqtap ótýi de yqtimal.
Sodan keiin, prezidentimiz Q.Toqaev depýtattarǵa bolashaq:
- Vitse-prezident
- Quryltai spikeri
- Premer-ministr
- Halyq Keńesiniń tóraǵasy kandidatýralaryn usynady. Quryltaidyń 145 depýtaty prezidenttiń parasatty usynysyn kópshilikpen qoldaidy. (Usynys qabyldaný úshin 50%+1 daýys jetkilikti), - deidi eks-depýtat.
Eks májilismen Toqaev vitse-prezident retinde kimdi usynatynyn bilmeitinin aitady.
Sizder de tek boljap otyrǵan bolarsyz. Ary ketse sol Elge eńbegi sińgen 5-6 adamnyń ishinen laiyqty azamatty usynyp qalar degen oiym bar. Bul laýazym boljaýǵa kelmeitin, eń tereń pozitsiia. Premer-ministrdiń kandidatýrasy naqtylanǵan soń, jańa premer qol astyndaǵy 22 ministr men 4 vitse-premerdiń taǵdyryn sheshedi. Eger kenetten, O.Bektenovtyń merzimi uzartylsa (kezinde A.Smailovty uzartqandai), onda ministrler arasynda aýys-túiis azdaý bolady dep oilaimyn. Vitse-premerler tipti ornynda qalý yqtimaldyǵy zor. Biraq Halyq arasynda - premer-ministr - J.Qasymbek iaki N.Nálibaev bolady degen áńgime júr. Ýaqyt kórseter. Bastysy Qazaqstanǵa abyroily bolsyn. Osy eki kandidatýradan basqa, búgingi kúni, qisyny keletin adam kórip turǵan joqpyn. Ekeýi de isker, ekeýi de oblys ákimi boldy, ekeýi de eńbekqor tulǵalar, ekeýi de prezidentten maqtaý estidi, - deidi eks-depýtat.
Onyń sózinshe, Quryltai tóraǵasy aiqyndalǵan soń, Quryltai spikeri óziniń 3 vitse-spikerin usynady.
Álbette 145 depýtat ol usynysty bir aýyzdan qoldaidy. Aita ketetin bir jáit: 3 vitse-spikerdi taǵaiyndaǵanda “áiel” jáne “ózge ult ókili” degen faktorlar eskerilý tiis. Bizdiń kezde ózge ult Albert Raý bolsa, - áiel retinde Daniia Espaeva boldy. Biraq múmkin ózge ult áieldi taǵaiyndap, eki talapty bir adammen jabady (mysaly: O.Perepechina, S.Imasheva, T.Saveleva degen siiaqty), - deidi Samat Nurtaza.
Onyń sózinshe, Halyq Keńesiniń tóraǵasy retinde, 2 kandidat qana bar.
E.Qoshanov jáne M.Áshimbaev. Saiasi atmosfera men jaǵdaidyń qisyny da sol 2 adamnan basqa eshkimdi qaldyrmai otyr. Osy ekeýiniń bireýi Halyq Keńesin basqaryp, ekinshisi Reseige elshi bolyp ketý yqtimaldyǵy bar. Sebebi D.Abaevtyń merzimi aiaqtaldy, al Reseige elshi bolý - ol óte jaýapty, salmaǵy aýyr pozitsiia. Oǵan jái diplomatty jibermeidi dep oilaimyn. Tiajeloves kerek (kezindegi A.Sársenbaev, I.Tasmaǵambetov, M.Tajin, Á.Jaqsybekov siiaqty). Sóitip Quryltai óz jumysyna kirisip, Úkimet óz jumysyn bastap, Halyq Keńesi óz keńesin jinap, ómir jalǵasa beredi, - deidi eks májilismen.
