قۇرمەتتى وتانداستار! يسلام دىنىندە ادامنىڭ ءومىرى مەن دەنساۋلىعىنان اسقان قۇندىلىق جوق. سوندىقتان ءاربىر ادام ءوز دەنساۋلىعىنا اسا ءمان بەرۋى قاجەت.

اللا تاعالا «باقارا» سۇرەسىنىڭ 195-اياتىندا: «وزدەرىڭدى ءوز قولدارىڭمەن قاۋىپ-قاتەرگە سالماڭدار»، – دەپ بۇيىرعان.

اللا ەلشىسى (وعان اللانىڭ سالاۋاتى مەن سالەمى بولسىن): «ەمدەلىڭدەر، راسىندا اللا ءاربىر دەرتتى شيپاسىمەن قوسا جاراتتى»، – دەگەن.

دانا حالقىمىز: «اۋىرىپ ەم ىزدەگەنشە، اۋىرمايتىن جول ىزدە»، – دەپ شيپا ىزدەۋگە ۇندەگەن. سول ءۇشىن كەز كەلگەن ادام ەمدەلۋدىڭ جانە اۋرۋدىڭ الدىن الۋ جولدارىن قاراستىرۋى ءتيىس.

ارنايى مەديسينا ماماندارى قازىرگى تاڭدا الەمگە ءقاۋىپ توندىرگەن كوروناۆيرۋس ىندەتىنىڭ الدىن الۋ ءۇشىن ۆاكسيناسيالاۋدىڭ ادام دەنساۋلىعىن ساقتاپ قالۋدىڭ ءقاۋىپسىز جانە ءتيىمدى ءادىس ەكەنىن ايتۋدا.

ال شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ – ءار ازاماتتىڭ ءوز ەركى.

وزدەرىڭىزگە بەلگىلى، الەمدە جانە ەلىمىزدە پاندەميالىق جاعداي كۇن سايىن كۇردەلەنۋدە. جۇقپالى دەرتتەن ءبىر وتباسىندا بىرنەشە ادام جان تاپسىرۋدا. بۇل جاعداي ەكپە سالدىرۋعا قاتىستى وڭ شەشىم قابىلداۋ قاجەتتىگىن كورسەتىپ وتىر. وسى رەتتە حالىقتى بارىنشا ساقتانىپ، دەنساۋلىعىمىز بەن ءومىرىمىزدى ساقتاپ قالۋ ءۇشىن ەكپە سالدىرۋعا ۇندەيمىز.

اللا تاعالا حالقىمىزدى جۇقپالى ىندەتتەن ساقتاپ، ناۋقاس جاندارعا شيپا ءناسىپ ەتسىن! ءامين!

قازاق ەلىنىڭ ۇلتتىق كومپانيالارىندا باسشىلىق قىزمەتتە جۇمىس ىستەيتىندەرگە قازاق ءتىلىن ءبىلۋى كەرەك دەگەن تالاپ قوياتىن كەز كەلدى. قوسىلىڭىز، قولداۋ ءبىلدىرىڭىز!