قىرعىزستاننىڭ جالال-اباد وبلىسىنا قاراستى اقسى اۋدانىندا 34 جاستاعى گٷلزات قۇرمانبەكوۆانىڭ ٶلٸمٸنە قاتىستى تەكسەرۋ جٷرٸپ جاتىر. مارقۇمنىڭ تۋىستارى ونىڭ ٶز-ٶزٸنە قول جۇمساعانىنا سەنبەيتٸنٸن ايتىپ, ٸستٸڭ ەدٸل تەرگەلۋٸن تالاپ ەتتٸ. ال كٷيەۋٸنٸڭ تۋىستارى تاعىلعان ايىپتاردى جوققا شىعارىپ وتىر, دەپ حابارلايدى dalanews.kz.
گٷلزات قۇرمانبەكوۆا 8 تامىزدا اسىلىپ قالعان كٷيٸندە تابىلعان. اناسى گٷلجامال نارماتوۆانىڭ سٶزٸنشە, قىزىنىڭ دەنەسٸنەن تٷرلٸ جاراقات بەلگٸلەرٸ بايقالعان. وسىعان بايلانىستى وتباسى ونىڭ ٶلٸمٸنە زورلىق-زومبىلىق سەبەپ بولۋى مٷمكٸن دەپ كٷدٸكتەنەدٸ.
مارقۇمنىڭ جاقىندارى گٷلزاتتىڭ بۇعان دەيٸن دە وتباسىندا قيىندىقتارعا تاپ بولعانىن ايتادى. ونىڭ سٸڭلٸسٸ نۇرزاتتىڭ مەلٸمدەۋٸنشە, ەرلٸ-زايىپتىلار اراسىندا كٷيەۋٸنٸڭ باسقا ەيەلمەن قارىم-قاتىناسىنا بايلانىستى جانجال تۋىنداعان.
«ەپكەم ول قىزدى نەمەسە مەنٸ تاڭدايسىڭ دەگەندە, "مەن ەكەۋٸڭدٸ دە تاستاي المايمىن, ونى دا تاستاي المايمىن, بالالارىمدى, سەندەردٸ دە تاستاي المايمىن" دەگەن. قايتىس بولاردان بٸر كٷن بۇرىن سول قىزدىڭ ٷيٸنە بارىپ, جانجال بولعان. ەپكەممەن سوڭعى رەت سٶيلەسكەندە ٶلەتٸندەي جاعدايدا ەمەس ەدٸ», – دەيدٸ مارقۇمنىڭ سٸڭلٸسٸ.
گٷلزات كٷيەۋٸمەن 14 جىل بٸرگە تۇرىپ, ٷش بالا تەربيەلەگەن.
الايدا كٷيەۋٸنٸڭ تۋىستارى مارقۇمنىڭ جاقىندارى ايتقان نۇسقامەن كەلٸسپەيدٸ. قايىن ەپكەسٸ گٷلجاينا اتاكانوۆا ونىڭ سوققىدان قايتىس بولعانى جەنە ەر ادامنىڭ ەكٸنشٸ ەيەل العانى تۋرالى مەلٸمەتتەردٸ جوققا شىعاردى.
«ەشقانداي سوققىدان قايتىس بولعان جوق. ەكەۋٸنٸڭ اراسىندا ۇرىپ-سوعىپ, كٶگەرتٸپ تاستاعان جاعداي بولعان ەمەس. ٸنٸم ەكٸنشٸ ەيەل العان جوق. بۇل – جالعان اقپارات. ۇرىپ ٶلتٸردٸ دەگەن سٶز دە شىندىققا جاناسپايدى», – دەدٸ ول.
قازٸر مارقۇمنىڭ دەنەسٸنە سوت-مەديتسينالىق ساراپتاما تاعايىندالعان. ونىڭ قورىتىندىسى ەزٸرگە شىققان جوق.
جالال-اباد وبلىستىق ميليتسيياسىنىڭ مەلٸمەتٸنشە, وقيعا 9 تامىزدا اقسى اۋداندىق ٸشكٸ ٸستەر بٶلٸمٸندە تٸركەلٸپ, تەرگەۋگە دەيٸنگٸ تەكسەرۋ باستالعان. ساراپتاما نەتيجەسٸ بەلگٸلٸ بولعاننان كەيٸن زاڭ اياسىندا تيٸستٸ شەشٸم قابىلدانادى.
