ەكٸباستۇزدا تويداعى تاعامنان ۋلانىپ, 32 ادام اۋرۋحاناعا تٷسكەن, - دەپ حابارلايدى Dalanews.kz.
جەرگٸلٸكتٸ مەيرامحانانىڭ بٸرٸندە جاپپاي تاماقتان ۋلانۋ تۋرالى اقپارات ەلەۋمەتتٸك جەلٸدە 15 سەۋٸردە كەشكە تارادى.
"13 سەۋٸردە بٸز 200 ادامعا "قىز ۇزاتۋ" تويىن ٶتكٸزگەن ەدٸك, تويدا بولعان بارلىق ادام تاماقتان ۋلاندى. بەرٸنٸڭ دەنە قىزۋى كٶتەرٸلٸپ, قالتىراپ, قۇرىسىپ, قۇسىپ جاتىر, ديارەيا مازالايدى. ەكٸباستۇزداعى جۇقپالى اۋرۋلار اۋرۋحاناسىندا 25-تەن استام ادام جاتىر, ولاردىڭ كٶپشٸلٸگٸ قاراعاندى, استانا, پاۆلودار جەنە اقسۋدان كەلدٸ. شارا قابىلدانۋىن سۇرايمىز", - دەلٸنگەن جازبادا.
جازبانىڭ استىنا اقسۋ مەن پاۆلودار قالالارىنان بالالارىمەن كەلگەن بٸرنەشە ادام پٸكٸر قالدىرعان. ولار دا تۇرعىلىقتى جەرٸ بويىنشا اۋرۋحاناعا بارۋعا مەجبٷر بولعان. پاۆلودار وبلىسىنىڭ دەنساۋلىق ساقتاۋ باسقارماسى جاپپاي ۋلانۋ دەرەگٸن راستادى.
"14 سەۋٸردەن باستاپ ەكٸباستۇز قالالىق اۋرۋحاناسىنىڭ ينفەكتسييالىق بٶلٸمشەسٸنە تاماقتان ۋلانۋ جەنە باكتەرييالىق-ٸشەك ينفەكتسيياسى بەلگٸلەرٸ بار ناۋقاستار جاپپاي جٷگٸنٸپ جاتىر. ناۋقاستاردا قۇسۋ, ەلسٸزدٸك, ٸشتٸڭ اۋىرۋى, دەنە قىزۋىنىڭ جوعارىلاۋى بايقالادى. ەپيدەميولوگييالىق سىرتارتقىنى جيناۋ كەزٸندە ولاردىڭ بارلىعى 13 سەۋٸردە قالانىڭ مەيرامحاناسىنىڭ بٸرٸندە ٶتكەن ٸس-شارانىڭ قوناعى ەكەنٸ انىقتالدى", - دەپ تٷسٸندٸردٸ ٶڭٸردٸڭ دەنساۋلىق ساقتاۋ باسقارماسى.
دەرٸگەرلەردٸڭ ايتۋىنشا, زارداپ شەككەندەر قابىلداۋ بٶلٸمشەسٸندە قارالىپ, اسقازاندى تازالاعاننان كەيٸن ينفەكتسييالىق بٶلٸمشەگە جاتقىزىلعان.
"14-15 سەۋٸر ارالىعىندا 32 ادام اۋرۋحاناعا جٷگٸندٸ, ولاردىڭ تٶرتەۋٸ اۋرۋحاناعا جاتۋدان باس تارتتى, قالعاندارى قازٸرگٸ ۋاقىتتا ەمدەلٸپ جاتىر. جاعداي ورتاشا اۋىرلىق دەرەجەسٸ رەتٸندە قاراستىرىلادى", - دەدٸ ۆەدومستۆو ٶكٸلدەرٸ.
ەكٸباستۇز قالالىق سانيتارلىق-ەپيدەميولوگييالىق باقىلاۋ باسقارماسىنىڭ مەلٸمەتٸنشە, سانيتارلىق دەرٸگەرلەر ادامدار جاپپاي ۋلانعان مەيرامحانانى تەكسەرۋگە كٸرٸستٸ.
"تاماقتان ۋلانۋ جاعدايى بويىنشا باسقارما قازاقستان رەسپۋبليكاسىنىڭ كەسٸپكەرلٸك كودەكسٸنە سەيكەس مەيرامحاناعا قاتىستى جوسپاردان تىس تەكسەرۋ جٷرگٸزٸلٸپ جاتىر", - دەپ حابارلادى ەكٸباستۇزدىڭ سانەپيدباقىلاۋ باسقارماسىنداعىلار.
