الماتى وبلىسىندا ەكى باس جىلقىنى اتىپ، سويىپ كەتكەن دەرەك بويىنشا قىلمىستىق ءىس تىركەلدى، دەپ حابارلايدى Dalanews.kz.
الماتى وبلىسى پوليسيا دەپارتامەنتى مالىمەتىنشە، قازىرگى ۋاقىتتا قىلمىسقا قاتىسى بار تۇلعالاردى انىقتاۋ جانە ۇستاۋ ماقساتىندا جەدەل-ىزدەستىرۋ ءىس-شارالارى جۇرگىزىلىپ جاتىر. قىلمىستى اشۋ ءۇشىن ارنايى جەدەل توپتار قۇرىلعان.
تەرگەۋ بارىسى وبلىستىق پوليسيا دەپارتامەنتى باسشىلىعىنىڭ باقىلاۋىندا. قۇقىق قورعاۋ ورگاندارى بارلىق ءمان-جايدى انىقتاۋ جۇمىستارىن جالعاستىرىپ جاتىر.
ايتا كەتەيىك، اتالعان وقيعاعا قاتىستى بەينەجازبا كەشە الەۋمەتتىك جەلىلەردە تاراعان بولاتىن.
