ەگەمبەردى ەرعالي ق ر قارجى مينيسترلىگىنە قاراستى مەملەكەتتىك مۇلىك جانە جەكەشەلەندىرۋ كوميتەتىنىڭ ءتوراعاسى بولىپ تاعايىندالدى، دەپ حابارلايدى Dalanews.kz.
بۇل تۋرالى سالالىق مينيسترلىكتىڭ باسپا ءسوز قىزمەتى حابارلادى.
ەگەمبەردى ەرعالي قازاق مەملەكەتتىك زاڭ اكادەمياسىن، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن جانە بوستون ۋنيۆەرسيتەتىن (اقش) ءتامامداعان، ساياسي عىلىمدارىنىڭ كانديداتى.
ەڭبەك جولىن 1998 جىلى قارجى مينيسترلىگىنىڭ جۇيەسىندە استانا قالاسى قارجى دەپارتامەنتىنىڭ باس مامانى بولىپ باستاعان. استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى، ەلورداداعى "سارىارقا" اۋدانىنىڭ اكىمى، سونىمەن قاتار ق ر پرەزيدەنتى اكىمشىلىگىنىڭ مەملەكەتتىك ينسپەكتورى، ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمى مەڭگەرۋشىسىنىڭ ورىنباسارى بولىپ قىزمەت اتقارعان.
سوڭعى ەكى جىل قازاقستان رەسپۋبليكاسى قارجى مينيسترلىگىنىڭ اپپارات باسشىسى قىزمەتىن اتقارعان.
