ديكيي ارمان لاقاپاتىمەن تانىمال ارمان جۇماگەلديەۆتٸڭ اناسى دٷنيەدەن ٶتتٸ,- دەپ حابارلايدى Dalanews.kz.
بۇل قارالى حاباردى ەلەۋمەتتٸك جەلٸدە ارمان جۇماگەلديەۆتٸڭ دوسى نۇرجان يماناليەۆ جەتكٸزدٸ.
"بٷگٸن جٷرەگٸمٸزدٸ اۋىرتقان قارالى حابار جەتتٸ… ارداقتى دوسىمىز ارماننىڭ اسىل اناسى, قادٸرلٸ روزا اپاي ٶمٸردەن وزدى. روزا اپايىمىز يماندى, پاراساتتى, سابىرلى, تەكتٸ, اقىلگٶي جان ەدٸ. تاعدىردىڭ اۋىر سىناقتارىن باستان ٶتكەردٸ… جالعىز ۇلىنا ۇزاق جىل جازا بەرٸلٸپ, بالاسىنىڭ باسىنا بۇلت ٷيٸرٸلگەن قيىن كەزەڭدەر بولدى. بٸراق انا جٷرەگٸ سونىڭ بەرٸنە تٶزٸپ, بالاسىنان ەشقاشان تەرٸس اينالعان جوق", – دەپ جازدى يماناليەۆ.
ونىڭ ايتۋىنشا, مارقۇم قوستانايعا بارىپ, ۇلىن كٶرٸپ قايتقان.
"سول سەتتەن كەيٸن جٷرەك اۋىرتپالىعىنا شىداي الماي, اۋرۋحاناعا تٷسٸپ, سول جەردە جاراتۋشىسىنا قايتتى", – دەدٸ ول.
ايتا كەتەيٸك, الماتى قالالىق مامانداندىرىلعان اۋدانارالىق قىلمىستىق سوتى قاڭتار وقيعاسى بويىنشا ارمان جۇماگەلديەۆتٸ 20 جىلعا باس بوستاندىعىنان ايىرعان بولاتىن.
