قىلمىس ەلەمٸنٸڭ سەركەسٸ ارمان جۇماگەلديەۆ - ديكيي ارماننىڭ ۇيىمداسقان قىلمىستىق توبىنان قورلىق كٶرگەن قازاقستاندىق ازامات وقيعاسىن بٶلٸستٸ, - دەپ حابارلايدى Dalanews.kz.
بۇل تۋرالى ول "جٷيە" YouTube-ارناسىنا بەرگەن سۇحباتىندا ايتتى. جەكە قاۋٸپسٸزدٸگٸن ساقتاۋ ماقساتىندا قۇپييا ەڭگٸمەلەسكەن جٸگٸت وقيعا 2 جىل بۇرىن باستالعانىن ايتادى.
"دوسىم ەكەۋٸمٸز كٶلٸك ساتىپ, تٸرلٸك ٸستەپ جٷردٸك. بٸر كٷنٸ قىلمىستىق توپتىڭ بٸر مٷشەسٸ كەلٸپ, ساتىلماي تۇرعان ٷيٸن بٸزگە ساتقىسى كەلدٸ. بٸراق ول كەزدە بٸزدە اقشا بولمادى. بٸزدە 2-3 كٶلٸك بولدى, الايدا ول كٶلٸك رەتٸندە المايتىنىن, تەك قولما-قول اقشا بەرۋٸمٸزدٸ تالاپ ەتتٸ", - دەيدٸ قۇپييا ازامات.
ول قوقان-لوقى كٶرسەتكەن جٸگٸتتٸڭ اتىن دا ايتتى. وسىلايشا "ديكيي ارماننىڭ" ادامى - ارمان سارتاەۆ ٷيٸن 42 ميلليون تەڭگەگە ساتىپ الۋدى تالاپ ەتكەن. الايدا ولار مۇنداي اقشا جوق ەكەنٸن ايتقاندا "كٶلٸكتەرٸڭدٸ ساتىپ, ٷيدٸڭ اقشاسىن كەيٸن بەرەسٸڭدەر" دەگەن.
"بٸز "جوق" دەپ تە ٷلگەرمەي قالدىق. اقشانى دايىنداۋعا بٸزگە بەس اي ۋاقىت بەرٸپ, ٷيدٸ بٸزدٸڭ اتىمىزعا اۋدارىپ تاستادى. ول اي سايىن 1-2 ميلليوننان الىپ جٷردٸ. وسىلايشا 7 ميلليونعا دەيٸن الىپ جٷرٸپ, قالعان 35 ميلليوندى كەيٸن بەرەسٸڭدەر دەدٸ. بٸراق 2,5 ايدان كەيٸن كەلٸپ, "اقشا كەرەك بولىپ جاتىر, قالعان اقشانى تاۋىپ بەرٸڭدەر" دەپ تالاپ قويدى. دوسىمنىڭ اناسىنا بارىپ, جاعدايدى تٷسٸندٸردٸك, ول بٸزدٸ تٷسٸنٸپ, 35 ميلليون تەڭگەنٸ بەردٸ. ارمان سارتاەۆتى شاقىرىپ, اقشاسىن بەرٸپ, قولحات الدىرىپ الدىق. ول ديكيي ارماننىڭ ادامى بولعاندىقتان قورىقتىق.
ارادا بٸر اپتا ٶتٸپ, ديكيي ارماننىڭ ادامى قايتادان حابارلاستى. مەن ول كەزدە الماتىعا كٶلٸك ساتۋعا كەلگەنمٸن. قالادا تاماقتانىپ, ٷي جاققا كەلە جاتسام, مەنٸ ٷيدٸڭ الدىندا كٷتٸپ تۇر ەكەن. ٷيگە كٸرگەندە ماعان 7 ميلليون تەڭگە بەرەسٸڭ دەدٸ. سەبەبٸ ەيەلٸ ەكەۋٸ جانجالداسىپ قالعان ەكەن, ال ول ەيەلٸنٸڭ ٷيٸ بولعان. ول "بۇل مەنٸڭ ٷيٸم" دەپ 7 ميلليون تەڭگەنٸ تاۋىپ كەل دەگەن ەكەن. مەن ونداي اقشا جوعىن, باستاپقىدا الىپ جٷرگەن 7 ميلليونىن ٷيدٸڭ باعاسىنان الىپ تاستاۋعا كەلٸسكەنٸمٸزدٸ ايتتىم. ول مەنٸ مٷگەدەك قىلىپ قوياتىنىن, اياعىمدى سىندىراتىنىن ايتتى. قوقان-لوقى باستالدى. ول مەنەن اقشانى الماي كەتپەيتٸنٸن تٷسٸندٸم, كەيٸن كٶلٸگٸمدٸ الۋىن ۇسىندىم, بٸراق ول كٶنبەي, بٸرگە شىمكەنتكە بارىپ, كٶلٸكتٸ ساتىپ, اقشا بەرۋٸمدٸ تالاپ ەتتٸ. مەن ول كٶلٸكتٸ تانىسىمنان 13 ميلليونعا ساتىپ العانمىن. قايتادان سول تانىسىما بارىپ, قايتىپ الشى كٶلٸكتٸ دەدٸم. ول 6,8 ميلليون عانا بارىن ايتتى. مەن ول اقشانى الىپ, ارمان سارتاەۆقا بەردٸم. ياعني 7 ميلليوننان ەكٸ رەت بەرگەنمٸن", - دەيدٸ قورلىق كٶرگەن ازامات.
ول وسىمەن شارۋا بٸتتٸ دەپ ويلاعان. الايدا بٸر كٷنٸ كافەدە تاماق ٸشٸپ وتىرعان جەرٸنەن دوسى ەكەۋٸنٸڭ ەلدەكٸمدەر جاعاسىنان ۇستاپ, الىپ شىعىپ كەتكەن.
"مەنٸ قوناقٷيگە اپارىپ, موينىما پىشاق تاقاپ, كٶلٸك ساتاتىن سايتتان ماعان قۇنى 6,2 ميلليون دەپ تۇرعان Toyota Camry-دى كٶرسەتٸپ,"ەكٸ كٷننٸڭ ٸشٸندە كٶلٸك مەنٸڭ استىمدا بولسىن" دەدٸ. مەن نە ٸستەرٸمدٸ بٸلمەي الماتىعا قاشىپ كەتتٸم. ٷيدە جاتقان جەرٸمدە ەكٸ جٸگٸت كەلٸپ, مەنٸ وياتىپ, وتارعا الىپ كەتتٸ. ارمان سارتاەۆ مەنٸڭ نٶمٸرٸمدٸ اڭدۋ ٷشٸن قۇزىرلى ورگاندارعا 500 مىڭ تەڭگە بەرگەن", - دەيدٸ قورلىق كٶرگەن ازامات.
وسىلايشا و باستا تالاپ ەتكەن اقشاسىن 20 ميلليون ەتٸپ قايتارۋ كەرەگٸن ايتقان. قۇپييا ازاماتتىڭ سٶزٸنشە, ديكيي ارماننىڭ ونعا جۋىق ادامى اقشا تالاپ ەتٸپ جٷرگەن.
"مەن ساعان انا ادام تيٸسپەيتٸندەي ەتٸپ بەرەمٸن" دەپ 3 ميلليون سۇرايدى. ول سٶزدەردٸ ەلەمەسەم مەنٸ ۇرىپ كەتەتٸن", - دەيدٸ قۇپييا ازامات.
ەسكە سالايىق, بۇعان دەيٸن الماتى وبلىسىنىڭ تۇرعىنى رايحان ايازباەۆا حالىقارالىق ٸزدەۋدە جٷرگەن قىلمىسكەر "چينا البان" - شىڭعىس مۇقاشەۆتان ۇلىن اراشالاپ بەرۋدٸ سۇراعان بولاتىن.
كەيبٸر دەرەكتەر بويىنشا, چينا البان - ديكيي ارماننىڭ قىلمىستىق توبىنداعى ادام.
"مەنٸڭ ۇلىم باقىتجان مۇحامەدجاننان چينا البان ەكٸ جىلدان بەرٸ اقشا بوپسالاپ جٷر. جاقىندا "چينانىڭ" توبىنداعى تٶرت ادام ۇلىمدى كەزدەسۋگە الداپ شاقىرىپ, تاۋعا اپارىپ, ۇرىپ-سوعىپ, نامىسىنا تيەتٸن ۆيدەولار تٷسٸرگەن. ول ۆيدەولاردى ەلەۋمەتتٸك جەلٸگە جٷكتەيمٸن دەپ اقشا بوپسالادى. بالامنىڭ ابىرويى تٶگٸلمەسٸن دەپ, قورىققانىمىزدان "چيناعا" اپتا سايىن 200 مىڭنان 1 ميلليونعا دەيٸن بەردٸك. قازٸرگٸ تاڭدا ٷيٸمٸزدٸ ساتىپ, دالادا قالدىق", - دەيدٸ رايحان ايازباەۆا.
سونىڭ ٶزٸندە شىڭعىس مۇقاشەۆ تٷركييادا جٷرٸپ قورقىتۋىن توقتاتپاعان.
"اقشا جٸبەرمەيمٸز دەسەك بارلىق ۆيدەونى ەلەۋمەتتٸك جەلٸدە پاراقشا اشىپ, تيكتوك-قا سالعان. الماتى وبلىسى ٸشكٸ ٸستەر دەپارتامەنتٸنٸڭ پوليتسييا مايورى ماقسات يحسانوۆ مىرزانىڭ كٶمەگٸنە جٷگٸندٸك. ول ۇلىمدى تاۋعا اپارىپ, قيناعان قىلمىسكەرلەردٸ ۇستاۋعا كٶمەكتەستٸ. ۆيدەولار ەلەۋمەتتٸك جەلٸگە سالىنعاننان كەيٸن ۇلىم "انام كٶرمەسٸنشٸ, ۆيدەولاردى ٶشٸرٸپ تاستاۋعا كٶمەكتەسٸڭٸزشٸ" دەپ ماقسات يحسانوۆتان كٶمەك سۇرايدى. ول مۇقاشەۆقا حابارلاسىپ, ۆيدەولاردى جەلٸدەن الىپ تاستاۋىن سۇرايدى.
ال مۇقاشەۆ تەلەفون ەڭگٸمەسٸن ۆيدەوعا تٷسٸرٸپ, يحسانوۆ قىلمىسكەردٸڭ سٶزٸن سٶيلەپ وتىر دەپ جالا جاۋىپ, جەلٸگە سالىپ جٸبەرگەن. سونىمەن قاتار, ۇلىما تٶرت قىلمىسكەردٸ بوسات دەپ قىسىم كٶرسەتٸپ جاتىر. مۇقاشەۆتٸڭ كەسٸرٸنەن يحسانوۆ ماقسات مىرزا جۇمىسىنان ايىرىلۋ ٷستٸندە. بٸز شاراسىز كٷيدەمٸز", - دەيدٸ رايحان ايازباەۆا.
